Hanuman chalisa: ఆంగ్లంలోకి ‘హనుమాన్‌ చాలీసా’

ప్రముఖ రచయిత విక్రమ్‌ సేథ్‌ హిందువుల ఆధ్యాత్మిక ధ్యానశ్లోకమైన ‘హనుమాన్‌ చాలీసా’ను ఆంగ్లంలోకి అనువదించారు. దశాబ్దం కాలంలో ఆయన అనువాదం చేసిన మొదటి రచన ఇదే కావడం విశేషం.

Published : 17 Jun 2024 05:42 IST

దిల్లీ: ప్రముఖ రచయిత విక్రమ్‌ సేథ్‌ హిందువుల ఆధ్యాత్మిక ధ్యానశ్లోకమైన ‘హనుమాన్‌ చాలీసా’ను ఆంగ్లంలోకి అనువదించారు. దశాబ్దం కాలంలో ఆయన అనువాదం చేసిన మొదటి రచన ఇదే కావడం విశేషం. ఆదివారం దీనికి సంబంధించిన వివరాలను ‘స్పీకింగ్‌ టైగర్‌’ అనే ప్రచురణ సంస్థ వెల్లడించింది. ఈ పుస్తకంలోని పద్యాలు ఆంగ్లంతో పాటు దేవనాగరి, రోమన్‌లిపిలో కూడా ఉన్నాయి. దీనిని ఈ నెలాఖరులో విడుదల చేయనున్నారు. 16వ శతాబ్దంలో తులసీదాస్‌ ‘హనుమాన్‌ చాలీసా’ను రచించి అందులో 40 పద్యాలను చేర్చారు. విక్రమ్‌ సేథ్‌ ఈ చాలీసాను కొన్నేళ్లు కష్టపడి తప్పులు లేని అనువాదంగా తీర్చిదిద్దారు. అవధి భాషలో ఉన్న అసలు చాలీసాను ముమ్మూర్తులా సరిపోలేలా అనువాదం పూర్తయిందని, ఇప్పటికే లక్షల మందికి కంఠస్థ వచ్చిన చాలీసాను ఇకపై ఆంగ్లంలోనూ పఠించుకోవచ్చని ప్రచురణకర్తలు ఒక ప్రకటనలో తెలిపారు. విక్రమ్‌ ఇప్పటివరకు మూడు సుప్రసిద్ధ నవలలు, ఏడు కవితా సంకలనాలను వెలువరించారు.

Tags :

Trending

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని