లిబియాపై దండెత్తిన ఇసుక తుపాను

ట్రిపోలి: ఆఫ్రికా దేశం లిబియాను ఇసుక తుపాన్లు వణికిస్తున్నాయి. దేశంలోని దక్షిణ ప్రాంతాల్లో తుపాన్ల ప్రభావం అధికంగా ఉంది. బలమైన గాలులు వీస్తుండటంతో నగరాలు, పట్టణాల్లో విద్యుత్తు స్తంభాలు పడిపోయి విద్యుత్తు వ్యవస్థ స్తంభించిపోయింది. దుకాణాలు మూసివేశారు. ప్రజలు ఇంటినుంచి బయటకు రాలేని పరిస్థితి ఏర్పడింది. ఇసుక తుపాన్లతో ప్రజలు తీవ్ర ఇబ్బందులు పడుతున్నారు. ఈ తుపాను కారణంగా రహదారులపై ట్రాఫిక్‌ నిలిచిపోతోంది. రెండు రోజులుగా ఇసుక తుపాను ప్రభావం పెరగ్గా.. అత్యవసరమైతే తప్పా బయటకు రావద్దని ప్రభుత్వం ప్రజలకు సూచించింది.