Karnataka: కొండపై చిక్కుకుపోయిన పర్వతారోహకుడు.. రక్షించిన వైమానిక దళం

బెంగళూరు: కర్ణాటకలోని నందిహిల్స్‌ కొండపై ప్రమాదవశాత్తు చిక్కుకుపోయిన ఓ పర్వతారోహకుడిని భారత వైమానిక దళం కాపాడింది. 19 ఏళ్ల ఓ పర్వతారోహకుడు.. చిక్‌బళ్లాపూర్ జిల్లా బ్రహ్మగిరి పర్వతంపై ట్రెక్కింగ్ చేస్తూ ఆదివారం ప్రమాదవశాత్తు 300 అడుగుల కిందికి పడిపోయి.. కొండ అంచు వద్ద చిక్కుకుపోయాడు. యువకుడు గల్లంతైనట్లు సమాచారం అందుకున్న చిక్‌బళ్లాపూర్ జిల్లా అధికార యంత్రాంగం.. సహాయం కోసం యలహంకలోని భారత వైమానిక దళ కేంద్రాన్ని సంప్రదించింది. వెంటనే స్పందించిన వైమానిక దళం అధికారులు హెలికాప్టర్‌ను రంగంలోకి దింపి గాలింపు చేపట్టారు. కొండ అంచున చిక్కుకున్న యువకుడిని గుర్తించి కాపాడారు.