Published : 26 Jun 2022 01:29 IST

Crime News : ఆ డ్రగ్స్‌ ఇన్‌స్పెక్టర్‌ ఇంట్లో డబ్బే డబ్బు.. చూస్తే షాకే

ఇంటర్నెట్ డెస్క్: అవినీతి అధికారుల ధన దాహం ఏ స్థాయిలో ఉంటుందో  ఓ డ్రగ్స్‌ ఇన్‌స్పెక్టర్‌ ఇంట్లో దొరికిన నోట్ల కట్టేలే ప్రత్యక్ష సాక్ష్యం. విజిలెన్స్‌ డిపార్ట్‌మెంట్ చేపట్టిన సోదాల్లో ఎక్కడ చూసినా కట్టల కొద్దీ నోట్లు దొరకడంతో విస్తుపోవడం అధికారుల వంతైంది. బిహార్‌లోని పట్నాకు చెందిన డ్రగ్స్‌ ఇన్‌స్పెక్టర్‌ జితేంద్ర కుమార్‌ అధికారిక నివాసంతోపాటు మరో నాలుగు చోట్ల ఏకకాలంలో విజిలెన్స్‌ అధికారులు దాడులు చేశారు. అక్రమాస్తుల కేసులో భాగంగా ఈ సోదాలు చేపట్టారు. 

వంద నోటు నుంచి రూ. 2000 నోట్ల కట్టలు వరకు భారీ మొత్తంలో నగదును అధికారులు స్వాధీనం చేసుకున్నారు. ఎంత మొత్తం దొరికిందో తెలుసుకోవడానికి అధికారులు కొన్ని గంటల నుంచి లెక్కిస్తుండటం గమనార్హం. ఈ మొత్తం డబుల్‌ కాట్ బెడ్‌నే ఆక్రమించేసింది. అంతేకాకుండా ప్రాపర్టీలకు సంబంధించిన డాక్యుమెంట్లు, భారీగా  బంగారం, వెండి, నాలుగు లగ్జరీ కార్లను సీజ్‌ చేసినట్లు అధికారులు పేర్కొన్నారు. జప్తు చేసిన ఆస్తుల విలువను లెక్కించే పనిలో ఉన్నట్లు వెల్లడించారు. 


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని