India Corona : కొత్తగా 2,226 కేసులు.. 2,202 రికవరీలు..

దిల్లీ : దేశంలో కరోనా వ్యాప్తి క్రమంగా అదుపులోకి వస్తోంది. గత కొన్ని రోజులుగా కొత్త కేసులు 2500లోపే నమోదవుతుండటం ఊరట కలిగిస్తోంది. మరోవైపు క్రియాశీల కేసులు కూడా 15 వేల దిగువనే కొనసాగుతున్నాయి. కేంద్ర ఆరోగ్య శాఖ వెల్లడించిన గణాంకాల ప్రకారం..

* నిన్న 4,42,681 నిర్ధారణ పరీక్షలు నిర్వహించగా.. కొత్తగా 2,226 కేసులు వెలుగులోకి వచ్చాయి.

* గడిచిన 24 గంటల్లో కరోనాతో 65 మంది ప్రాణాలు కోల్పోయారు. దీంతో ఇప్పటి వరకూ మృతి చెందిన వారి సంఖ్య 5,24,413కు చేరింది.

* నిన్న 2202 మంది కోలుకోగా.. ఇప్పటి వరకూ వైరస్‌ను జయించిన వారి సంఖ్య 4.25 కోట్లు (98.75%) దాటింది.

* ప్రస్తుతం దేశవ్యాప్తంగా క్రియాశీల కేసులు 14,955(0.03%)గా ఉన్నాయి.

* నిన్న 14,37,381 మంది టీకాలు తీసుకోగా.. ఇప్పటి వరకూ పంపిణీ చేసిన డోసుల సంఖ్య 192.28 కోట్లు దాటింది.