India Corona : 72 వేలు దాటిన క్రియాశీల కేసులు..

దిల్లీ : దేశంలో కరోనా వ్యాప్తి కొనసాగుతోంది. గత కొన్ని రోజులుగా కొత్త కేసులు 12వేలకుపైగానే నమోదవుతున్నాయి. మరోవైపు క్రియాశీల కేసులు క్రమంగా పెరుగుతూ 72 వేలు దాటడం ఆందోళన కలిగిస్తోంది. కేంద్ర ఆరోగ్య శాఖ వెల్లడించిన వివరాల ప్రకారం..

* గడిచిన 24 గంటల్లో 4,46,387 నిర్ధారణ పరీక్షలు నిర్వహించగా.. కొత్తగా 12,899 కేసులు వెలుగులోకి వచ్చాయి. వీటిలో మహారాష్ట్ర నుంచి 3883 కేసులు.. 2 మరణాలు నమోదయ్యాయి.

* ఇక నిన్న దేశవ్యాప్తంగా 15 మంది కరోనాతో ప్రాణాలు కోల్పోగా.. ఇప్పటి వరకూ మరణించిన వారి సంఖ్య 5,24,855కు చేరింది.

* శనివారం 8518 మంది కోలుకోగా.. ఇప్పటి వరకు వైరస్‌ను జయించిన వారి సంఖ్య 4.26 కోట్లు(98.62%) దాటింది.

* రికవరీలు తక్కువగా ఉంటుండటంతో క్రియాశీల కేసులు అమాంతం పెరుగుతున్నాయి. ప్రస్తుతం దేశంలో 72, 474 (0.17%) యాక్టివ్‌ కేసులు ఉన్నాయి.

* దేశవ్యాప్తంగా వ్యాక్సినేషన్‌ నిరంతరాయంగా కొనసాగుతోంది. నిన్న 13,24,591 మంది టీకాలు తీసుకోగా.. ఇప్పటి వరకూ 196.14 కోట్ల డోసులు పంపిణీ చేశారు.