India Corona : 14 వేలకు దిగొచ్చిన కొత్త కేసులు..

దిల్లీ : దేశంలో కరోనా వ్యాప్తి అదుపులోనే ఉంది. గత కొన్ని రోజులుగా 16 వేలకుపైగా నమోదవుతూ వస్తోన్న కొత్త కేసులు.. తాజాగా 14 వేలకు దిగిరావడం కాస్త ఊరట కలిగిస్తోంది. కేంద్ర ఆరోగ్య శాఖ వెల్లడించిన గణాంకాల ప్రకారం..

✼ గడిచిన 24 గంటల్లో 3,81,861 నిర్ధారణ పరీక్షలు నిర్వహించగా.. కొత్తగా 14,092 కేసులు వెలుగులోకి వచ్చాయి.

✼ నిన్న 41 మంది కరోనాతో మరణించారు. వీటిలో 12 మరణాలు కేరళ నుంచే ఉన్నాయి. దీంతో మొత్తం మరణాల సంఖ్య 5,27,037కు చేరింది.

✼ దేశవ్యాప్తంగా ఇప్పటి వరకూ 4.42 కోట్ల మందికి వైరస్‌ సోకగా.. 4.36 కోట్ల మంది(98.54%) కోలుకున్నారు.

✼ ఇక క్రియాశీల కేసులు క్రమంగా తగ్గుతున్నాయి. ప్రస్తుతం అవి 1,16,861(0.26%)కు చేరాయి.

✼ నిన్న 28,01,457 మందికి టీకాలు పంపిణీ చేయగా.. ఇప్పటి వరకూ అందించిన డోసుల సంఖ్య 207.99 కోట్లు దాటింది.