Corona: రికవరీల కంటే కొత్త కేసులే ఎక్కువ

దేశంలో కరోనా వైరస్ వ్యాప్తి కొనసాగుతోంది. తగ్గినట్టే తగ్గి కేసులు, మరణాలు పెరుగుతున్నాయి.

Updated : 08 Jul 2021 11:58 IST

55 రోజుల తర్వాత తొలిసారి

దిల్లీ: దేశంలో కరోనా వైరస్ వ్యాప్తి కొనసాగుతోంది. తగ్గినట్టే తగ్గి కేసులు, మరణాలు మళ్లీ క్రమంగా పెరుగుతున్నాయి. తాజాగా 45,892 మందికి కరోనా సోకినట్లు కేంద్ర ఆరోగ్య శాఖ వెల్లడించింది. క్రితం రోజుతో పోల్చితే 5 శాతం పెరుగుదల కనిపించింది. దాంతో మొత్తం కేసులు 3,07,09,557కి చేరాయి. నిన్న 817 మంది ప్రాణాలు కోల్పోయారు. ఇప్పటి వరకు 4,05,028 మంది మహమ్మారికి బలయ్యారు. నిన్న 18,93,800 మంది నమూనాలు సేకరించి, నిర్ధారణ పరీక్షలు నిర్వహించారు.

కరోనా రెండోదశలో గత 55 రోజులుగా కొత్త కేసుల కంటే రికవరీలే అధికంగా ఉంటున్నాయి. కానీ, తాజాగా 44 వేల మంది కోలుకోగా.. 45 వేల కొత్త కేసులు వెలుగుచూశాయి. మొత్తం రికవరీలు 2.98 కోట్ల మార్కును దాటాయి. ప్రస్తుతం క్రియాశీల రేటు 1.50శాతానికి తగ్గగా.. రికవరీ రేటు 97.18 శాతానికి పెరిగింది. 4.6లక్షల మంది కొవిడ్‌తో బాధపడుతున్నారు. మరోపక్క నిన్న 33,81,671 మంది టీకా వేయించుకున్నారు. మొత్తంగా 36.48 కోట్ల డోసులు పంపిణీ అయ్యాయి. 


Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని