Updated : 24 Jan 2022 11:16 IST

India Corona: 20 శాతం దాటిన కరోనా పాజిటివిటీరేటు

కాస్త తగ్గినా.. మూడు లక్షలపైనే కొత్త కేసులు

దిల్లీ: దేశంలో కరోనా వ్యాప్తి ఉద్ధృతి కొనసాగుతోంది. కొద్ది రోజులుగా మూడు లక్షలపైనే కొత్త కేసులు నమోదవుతున్నాయి. ఆదివారం 14 లక్షల మందికి కరోనా నిర్ధారణ పరీక్షలు నిర్వహించగా.. 3,06,064 మందికి వైరస్ పాజిటివ్‌గా నిర్ధారణ అయింది. ముందురోజు కంటే 27 వేల కేసులు తగ్గాయి. అందుకు నిర్ధారణ పరీక్షల సంఖ్యలో తగ్గుదల కూడా కారణంగా కనిపిస్తోంది. పాజిటివిటీ రేటు 17.7 శాతం నుంచి 20.7 శాతానికి ఎగబాకడం ఆందోళనకరంగా మారింది. అంటే పరీక్షలకు వచ్చే ప్రతి ఐదుగురిలో ఒకరికి వైరస్‌ నిర్ధారణ అవుతోందన్నమాట. ఒక్క కర్ణాటకలోనే 50 వేల కేసులొచ్చాయి. తర్వాత కేరళ, మహారాష్ట్ర, తమిళనాడులో వైరస్ తీవ్రత ఎక్కువగా ఉంది. 24 గంటల వ్యవధిలో 439 మంది ప్రాణాలు కోల్పోయారు. ఈ రెండేళ్ల సమయంలో 3.95 కోట్ల మందికి వైరస్‌ సోకగా.. 4,89,848 మంది మరణించారు. ఈ మేరకు సోమవారం కేంద్ర ఆరోగ్య శాఖ వివరాలు వెల్లడించింది.   

వైరస్ వేగంగా వ్యాప్తి చెందుతుండటంతో క్రియాశీల  కేసులు 22 లక్షలు దాటాయి. మొత్తం కేసుల్లో ఈ సంఖ్య 5.69 శాతానికి సమానం. నిన్న ఒక్కరోజే 2,43,495 మంది కొవిడ్ నుంచి కోలుకున్నారు. మొత్తం రికవరీలు 3.68 కోట్లు(93.07 శాతం)గా ఉన్నాయి. 

నిన్న సెలవు రోజు కావడంతో కేవలం 27 లక్షల మందికే టీకా అందింది. మొత్తంగా 162 కోట్లకుపైగా టీకా డోసులు పంపిణీ అయ్యాయి. కొద్ది రోజులుగా 15 నుంచి 18 ఏళ్ల మధ్య వయస్సువారికి మొదటి డోసు, ముప్పు పొంచి ఉన్న వర్గానికి ప్రికాషనరీ డోసు అందిస్తోన్న సంగతి తెలిసిందే. 


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని