India Corona: అదుపులోనే కరోనా.. దిగొస్తోన్న క్రియాశీల కేసులు..!

మరోరోజు రికవరీలే ఎక్కువ

దిల్లీ: దేశంలో కరోనా వ్యాప్తి అదుపులోనే ఉంది. కొద్ది రోజులుగా కొత్త కేసులు మూడు వేలకు దిగువనే నమోదవుతుండటం కాస్త ఊరట కలిగిస్తోంది. దాంతో క్రియాశీల కేసులు కూడా దిగొస్తున్నాయి. శుక్రవారం కేంద్ర ఆరోగ్య శాఖ వెల్లడించిన గణాంకాల ప్రకారం.. 

గురువారం 4.86 లక్షల మందికి వైద్య పరీక్షలు నిర్వహించగా.. 2,841 మందికి కరోనా పాజిటివ్‌గా తేలింది.  24 గంటల వ్యవధిలో 3,295 మంది కోలుకున్నారు. మరోరోజు కొత్త కేసుల కంటే రికవరీలే ఎక్కువగా నమోదుకావడం సానుకూలాంశం. మహమ్మారి కట్టడిలో ఉండటంతో క్రియాశీల కేసులు 18 వేలకు దిగొచ్చాయి. సుమారు రెండేళ్ల కాలంలో 4.31 కోట్ల మందికి కరోనా సోకగా.. 4.25 కోట్ల మందికి పైగా కోలుకున్నారు. రికవరీ రేటు 98.74 శాతానికి చేరగా.. క్రియాశీల రేటు 0.04 శాతంగా కొనసాగుతోంది. నిన్న తొమ్మిది మంది ప్రాణాలు కోల్పోయారు. మొత్తం మరణాలు 5.24 లక్షలుగా ఉన్నాయి. మరోపక్క నిన్న 14.03 లక్షల మంది టీకా తీసుకోగా.. 190 కోట్లకు పైగా డోసులు పంపిణీ అయ్యాయి.