India Corona: 18 వేల మార్కు దాటిన క్రియాశీల కేసులు

కొత్తగా నమోదైన కేసులెన్నంటే..?

దిల్లీ: దేశంలో కరోనా వ్యాప్తి అదుపులోనే ఉంది. అయితే.. క్రియాశీల కేసులు క్రమంగా పెరుగుతుండటం కాస్త ఆందోళన కలిగిస్తోంది. బుధవారం కేంద్రం వెల్లడించిన గణాంకాల ప్రకారం.. క్రియాశీల కేసులు 18 వేల మార్కు దాటాయి. 

మంగళవారం 4.55 లక్షల మందికి కొవిడ్ నిర్ధారణ పరీక్షలు నిర్వహించగా.. 2,745 మందికి వైరస్ పాజిటివ్‌గా తేలింది. ప్రస్తుతం పాజివిటీ రేటు 0.60 శాతానికి చేరింది. 24 గంటల వ్యవధిలో 2,236 మంది కోలుకున్నారు. ఆరుగురు మరణించారు. క్రియాశీల కేసులు 18,386(0.04 శాతం)కి పెరిగాయి. 2020 ప్రారంభం నుంచి 4.31 కోట్ల మందికి కరోనా సోకగా.. 4.26 కోట్ల(98.74 శాతం) మందికి పైగా వైరస్‌ను జయించారు. ఇప్పటివరకూ 5.24 లక్షల మందికిపైగా మృత్యుఒడికి చేరుకున్నారు. నిన్న 10.9 లక్షల మందికి పైగా టీకాలు తీసుకోగా.. ఇప్పటివరకూ 193.57 కోట్లకు పైగా డోసులు పంపిణీ అయ్యాయి.