India Corona: కొనసాగుతోన్న హెచ్చుతగ్గులు.. కొత్త కేసులు ఎన్నంటే..?

కరోనా గణాంకాలు వెల్లడించిన కేంద్రం

దిల్లీ: దేశంలో కరోనా వ్యాప్తి అదుపులోనే ఉంది. తాజాగా 2.63 లక్షల మందికి వైద్య పరీక్షలు నిర్వహించగా.. 16,167 మందికి కరోనా సోకింది. పాజిటివిటీ రేటు 6.14 శాతంగా నమోదైంది. దిల్లీలో మరోసారి 2 వేలకు పైగా కొత్త కేసులు వచ్చాయి. ఇక దేశవ్యాప్తంగా  24 గంటల వ్యవధిలో 15,549 మంది కోలుకున్నారు. 41 మంది మరణించారు. ప్రస్తుతం క్రియాశీల కేసులు 1.35 లక్షలకు చేరగా.. ఆ కేసుల రేటు 0.31 శాతంగా నమోదైంది. ఇప్పటివరకూ 4.41 కోట్ల మంది మహమ్మారి బారినపడగా.. 98.50 శాతం మంది వైరస్‌ను జయించారు. ఈ రెండేళ్ల కాలంలో 206 కోట్ల టీకా డోసులు పంపిణీ కాగా.. అందులో నిన్న 34.75 లక్షల మంది టీకా తీసుకున్నారని సోమవారం కేంద్రం వెల్లడించింది.