Published : 07/12/2021 23:40 IST

Covid vaccine: వ్యాక్సిన్ మైత్రి.. విదేశాలకు 7.23 కోట్ల డోసుల సరఫరా

దిల్లీ: ఈ ఏడాది జనవరిలో ‘వ్యాక్సిన్ మైత్రి’ కార్యక్రమం ప్రారంభమైనప్పటి నుంచి నవంబరు వరకు 94 దేశాలతోపాటు రెండు ఐరాస సంస్థలకు 7.23 కోట్లకు పైగా కొవిడ్‌ డోసులు సరఫరా చేసినట్లు కేంద్ర ఆరోగ్యశాఖ సహాయ మంత్రి భారతి ప్రవీణ్‌ పవార్‌ వెల్లడించారు. ఇందులో ఉచితంగా, వాణిజ్య విధానంలో సరఫరా అయినవి కూడా ఉన్నట్లు చెప్పారు. కొవిడ్‌ మహమ్మారి వ్యాప్తి మొదలు.. 150 దేశాలకు కరోనా సంబంధిత వైద్య, ఇతర సహాయ సహకారాలు అందించినట్లు మంత్రి వివరించారు. రాజ్యసభలో ఓ సభ్యుడు అడిగిన ప్రశ్నకు ఆయన లిఖితపూర్వక సమాధానం ఇచ్చారు. 

50కు పైగా దేశాల నుంచి సాయం..

దేశంలో కరోనా సెకండ్‌ వేవ్‌ సమయంలో 50కి పైగా దేశాల నుంచి వైద్య సామగ్రి, ఔషధాల రూపంలో మన దేశానికి సాయం అందినట్టు కేంద్ర మంత్రి చెప్పారు. ఆయా దేశాల ప్రభుత్వాలు, ప్రైవేట్ సంస్థలు, విదేశాల్లోని భారతీయ సంఘాలు ఇందుకు చొరవ చూపినట్లు పేర్కొన్నారు. పేద దేశాలకు టీకాల సరఫరా విషయంలో అడిగిన ఓ ప్రశ్నకు సమాధానమిచ్చిన మంత్రి.. ప్రపంచ ఆరోగ్య సంస్థ నేతృత్వంలో ఏర్పాటైన ‘కొవాక్స్‌’ కార్యక్రమానికి ఇప్పటివరకు 2.22 కోట్ల డోసులను కేంద్రం సరఫరా చేసినట్లు వెల్లడించారు. జనవరిలోనే భారత్‌ నుంచి టీకాల ఎగుమతి మొదలైనా.. సెకండ్‌ వేవ్‌ సమయంలో దీనికి బ్రేక్‌ పడిన విషయం తెలిసిందే. తదనంతరం వ్యాక్సిన్‌ ఉత్పత్తి గణనీయంగా పెరగడంతో మళ్లీ ఎగుమతులకు కేంద్రం పచ్చజెండా ఊపింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని