Updated : 15 Apr 2021 11:35 IST

అఫ్గాన్‌ శాంతిలో వారికీ భాగస్వామ్యం: బైడెన్‌ 

వాషింగ్టన్‌: అఫ్గానిస్థాన్‌ నుంచి అమెరికా దళాల ఉపసంహరణ విషయంలో అధ్యక్షుడు జో బైడెన్‌ కీలక ప్రకటన చేశారు. సెప్టెంబర్‌ 11 నాటికి ఆ దేశం నుంచి తమ బలగాలను పూర్తిగా వెనక్కి తీసుకుంటామని ప్రకటించారు. ఈ విషయాన్ని ఆయన బుధవారం ఓ టీవీ ప్రసంగంలో వెల్లడించారు. 

‘అఫ్గానిస్థాన్‌ సుస్థిర భవిష్యత్తులో భారత్‌, పాకిస్థాన్‌, రష్యా, చైనా, టర్కీ దేశాలకూ భాగస్వామ్యం ఉంది. కాబట్టి, ఆ దేశంలో శాంతిని నెలకొల్పేందుకు ఆయా దేశాలు కృషి చేయాలి. అఫ్గానిస్థాన్‌ నుంచి మా పూర్తి బలగాలను సెప్టెంబర్‌ 11నాటికి వెనక్కి తీసుకునేందుకు నిర్ణయించాం’ అని బైడెన్‌ ప్రకటించారు. శ్వేతసౌధం ప్రెస్‌ సెక్రటరీ జెన్‌ సాకీ మాట్లాడుతూ...‘అఫ్గానిస్థాన్‌లో ప్రస్తుత పరిస్థితులను ఏ సైన్యం పరిష్కరించలేదు. కేవలం దౌత్యపరమైన మార్గాల్లో మాత్రమే అక్కడి సమస్యకు పరిష్కారం లభిస్తుంది. మేం అక్కడి నుంచి సైన్యాన్ని వెనక్కి తీసుకున్నప్పటికీ ఆ దేశానికి దౌత్యపరమైన సహకారం కొనసాగిస్తాం’ అని తెలిపారు. కాగా, 2021 సెప్టెంబర్‌ 11 నాటికి అమెరికాలోని వరల్డ్‌ ట్రేడ్‌ సెంటర్‌పై ఉగ్రదాడి జరిగి 20ఏళ్లు పూర్తవుతుండటం గమనార్హం. 


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని