India Corona: అదుపులో కరోనా.. తగ్గిన క్రియాశీల కేసులు..!

గణాంకాలు వెల్లడించిన కేంద్ర ఆరోగ్య శాఖ

దిల్లీ: దేశంలో కరోనావైరస్ అదుపులో ఉంది. రోజువారీ కేసులు తగ్గి.. 14 వేలకు పడిపోయాయి. తాజాగా 4.26 లక్షల మందికి కొవిడ్ నిర్ధారణ పరీక్షలు నిర్వహించగా.. 14,830 మందికి వైరస్ సోకింది. పాజిటివిటీ రేటు 3.48 శాతంగా నమోదైంది. ఇప్పటి వరకూ 4.39 కోట్ల మందికి కరోనా సోకగా.. 4.32 కోట్ల(98.47 శాతం) మంది కోలుకున్నారు. 

రెండురోజులుగా కొత్త కేసులు తగ్గుముఖం పట్టడంతో క్రియశీల కేసులు 1,47,512(0.34 శాతం)లక్షలకు పడిపోయాయి. 24 గంటల వ్యవధిలో 18,159 మంది కోలుకున్నారు. 36 మంది మరణించారు. నిన్న 30.42 లక్షల మంది టీకా తీసుకోగా.. ఇప్పటి వరకూ 202.50 కోట్ల డోసులు పంపిణీ అయ్యాయని మంగళవారం కేంద్ర ఆరోగ్య శాఖ వెల్లడించింది.