India Corona: కొత్త కేసులు, రికవరీలు.. 19 వేలే..!

దిల్లీ: దేశంలో కరోనా వైరస్ వ్యాప్తి అదుపులోనే ఉంది. తాజాగా 3.91 లక్షల మందికి వైద్య పరీక్షలు నిర్వహించగా.. 19,406 మందికి వైరస్ సోకింది. 49 మంది మరణించారు. పాజిటివిటీ రేటు 4.96 శాతానికి చేరిందని కేంద్రం వెల్లడించింది. నిన్న దిల్లీలో 2,419 మంది కరోనా బారినపడ్డారు. గడిచిన 24 గంటల్లో దేశవ్యాప్తంగా 19,928 మంది కోలుకున్నారు. ప్రస్తుతం క్రియాశీల కేసులు 1.34 లక్షలకు చేరుకున్నాయి. క్రియాశీల రేటు 0.31 శాతానికి తగ్గగా.. రికవరీ రేటు 98.50 శాతంగా ఉంది. నిన్న 32.7 లక్షల మంది టీకా తీసుకోగా.. ఇప్పటివరకూ 205 కోట్లకు పైగా డోసులు పంపిణీ అయ్యాయి.