Jaishankar: చైనాతో సత్సంబంధాల కోసం ప్రయత్నిస్తూనే ఉన్నాం: జైశంకర్‌

వాషింగ్టన్: సరిహద్దు దేశం చైనాతో సత్సంబంధాల కోసం భారత్‌ ప్రయత్నిస్తూనే ఉందని విదేశాంగ శాఖ మంత్రి జైశంకర్‌ అన్నారు. అయితే పరస్పర గౌరవం, ఇరుదేశాల ప్రయోజనాలపై మాత్రమే ఇది ఆధారపడి ఉంటుందని చెప్పారు. అమెరికా పర్యటనలో ఉన్న ఆయన మీడియాతో మాట్లాడారు. ఈ సందర్భంగా భారత్‌-చైనా మధ్య సంబంధాలపై ఓ విలేకరి అడిగిన ప్రశ్నకు బదులిచ్చారు. ‘‘చైనాతో సత్సంబంధాల కోసం మేము ప్రయత్నిస్తూనే ఉన్నాం. కానీ, ఇది ఇరుదేశాల మధ్య పరస్పర గౌరవం, ప్రయోజనాలపై ఆధారపడి ఉంటుంది.’’ అని జైశంకర్‌ అన్నారు. చైనా సైన్యం ఇండోఫసిపిక్‌ రీజియన్‌పై పట్టు సాధించేందుకు యత్నిస్తున్న నేపథ్యంలో ఈ రీజియన్‌ను బలోపేతం చేయడం కోసం భారత్‌, అమెరికా కలిసి పని చేస్తాయన్నారు. వ్యూహాత్మక ఇండోఫసిపిక్‌ రీజియన్‌పై పట్టు సాధించేందుకు చైనా యత్నిస్తున్న సంగతి తెలిసిందే. ఈ క్రమంలో రీజియన్‌ పరిధిలోని వివిధ దేశాలతో ప్రాదేశిక విభేదాలు తలెత్తుతున్నాడ్రాగన్‌ వెనకడుగు వేయడం లేదు.. ప్రధానంగా దక్షిణ చైనా సముద్రంపై పట్టు సాధించేందుకు అమెరికా యత్నిస్తుండటాన్ని చైనా వ్యతిరేకిస్తోంది.