Published : 06/12/2021 20:26 IST

Airlines: కరోనా దెబ్బ.. ఎయిర్‌లైన్లకు రూ.19,564కోట్ల నష్టం

దిల్లీ: గత రెండేళ్లుగా వణికిస్తోన్న కరోనా మహమ్మారి దేశంలో దాదాపు అన్ని రంగాలను అతలాకుతలం చేసింది. కొవిడ్‌ దెబ్బకు విమానయానరంగ పరిశ్రమ కూడా భారీగా కుదేలైంది. నిబంధనల పేరుతో విధించిన ఆంక్షలు.. గతేడాది విమానయాన సంస్థలు, ఎయిర్‌పోర్టులకు పెను నష్టాన్ని తెచ్చిపెట్టాయి. కరోనా కారణంగా ఏడాది కాలంలో ఎయిర్‌లైన్లు దాదాపు రూ.20 వేలకోట్ల మేర నష్టాలను చవిచూశాయి.

‘‘విమానయాన రంగంపై కరోనా మహమ్మారి తీవ్ర ప్రభావం చూపించింది. విమాన సర్వీసులు నిలిపివేయడంతో 2020-21 ఆర్థిక సంవత్సరంలో విమానయాన సంస్థలు దాదాపు రూ.19,564కోట్లు, విమానాశ్రయాలు రూ. 5,116కోట్ల మేర నష్టపోయాయి’’ అని పౌరవిమానయాన శాఖ సహాయ మంత్రి వీకే సింగ్‌ రాజ్యసభకు ఇచ్చిన లిఖితపూర్వక సమాధానంలో వెల్లడించారు. 

2020 ఆరంభంలో దేశంలో కరోనా మహమ్మారి ప్రవేశించిన విషయం తెలిసిందే. దీంతో వైరస్‌ కట్టడిలో భాగంగా ఆ ఏడాది మార్చి 25 నుంచి దేశీయ, అంతర్జాతీయ విమానయాన సర్వీసులను కేంద్రం నిలిపివేసింది. అయితే ఆ తర్వాత ఆంక్షలను కాస్త సడలిస్తూ కొన్ని సర్వీసులను పునరుద్ధరించినప్పటికీ పూర్తి స్థాయిలో నిషేధాన్ని ఎత్తివేయలేదు. కొన్ని దేశాలతో ‘ఎయిర్‌ బబుల్‌’ ఒప్పందం కుదుర్చుకొని.. పరిమిత ఆంక్షలతో ప్రత్యేక విమానాలను నడుపుతూ వస్తోంది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని