Mount Semeru: మౌంట్‌ సెమేరు బీభత్సం.. భయంతో జనాలు పరుగులు!

జకర్తా: ఇండోనేసియాలోని అగ్నిపర్వతం ‘మౌంట్ సెమేరు’ శనివారం మధ్యాహ్నం బద్ధలైంది. స్థానిక కాలమానం ప్రకారం మధ్యాహ్నం 2.30 గంటలకు ఇది విస్ఫోటనం చెందింది. ఈ క్రమంలో భారీఎత్తున పొగ, బూడిద ఆవరించడంతో పరిసరాలన్నీ చీకటిమయమయ్యాయి. భయాందోళనతో వేలాది మంది స్థానికులు అక్కడి నుంచి పరుగులు పెట్టారు. దీనికి సంబంధించిన వీడియోలు సామాజిక మాధ్యమాల్లో వైరల్‌గా మారాయి. మరోవైపు ప్రాణనష్టానికి సంబంధించి ఇప్పటివరకు ఎటువంటి సమాచారం లేదని ఆ దేశ విపత్తు నివారణ సంస్థ తెలిపింది.

పెద్దఎత్తున లావా పరిసర గ్రామాలకు విస్తరించడంతో అధికారులు స్థానికులను సురక్షిత ప్రాంతాలకు తరలించే పనిలో పడ్డారు. నిర్వాసితుల కోసం లుమాజాంగ్‌లో తాత్కాలిక షెల్టర్లు నిర్మిస్తున్నట్లు చెప్పారు. దీంతోపాటు ఆ అగ్నిపర్వతం చుట్టూ ఐదు కిలోమీటర్ల పరిధిలో నిషేధిత జోన్‌ ఏర్పాటు చేశారు. 2020 డిసెంబరులోనూ ఇది ఒకసారి బద్ధలైంది. ఇండోనేసియాలో తరచూ అగ్నిపర్వతాలు బద్ధలవుతాయన్న విషయం తెలిసిందే. ఈ ఆగ్నేయాసియా దేశంలో దాదాపు 130 క్రియాశీల అగ్నిపర్వతాలు ఉన్నాయి. 2018లో జావా, సుమత్రా దీవుల మధ్య సముద్రంలోని ఓ అగ్నిపర్వతం విస్ఫోటనం చెంది, సునామీ సంభవించి.. 400 మందికి పైగా మృతి చెందారు.

► Read latest India News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.