Corona Virus: ‘డెల్టా’ పంజా.. ఇరాన్‌లో రికార్డు స్థాయిలో మరణాలు!

టెహ్రాన్‌: ఇరాన్‌లో కరోనా వైరస్ విజృంభణ కొనసాగుతోంది. ప్రపంచ దేశాలను ఉక్కిరిబిక్కిరి చేస్తున్న డెల్టా వేరియంట్‌ ఇరాన్‌లో మృత్యునాదం చేస్తోంది. గడిచిన 24గంటల వ్యవధిలోనే 709మంది ప్రాణాలు కోల్పోయినట్టు ఇరాన్‌ ఆరోగ్య మంత్రిత్వశాఖ వెల్లడించింది. వైరస్‌ బారినపడిన వారిలో మరో 7,727మంది రోగుల ఆరోగ్య పరిస్థితి విషమంగా ఉన్నట్టు పేర్కొంది. నిన్న ఒక్కరోజే 40,600 పాజిటివ్‌ కేసులు నమోదైనట్టు తెలిపింది. ఇరాన్‌లో వైరస్‌ వ్యాప్తి ఇంతలా పెరగడానికి కారణం డెల్టా వేరియంటేనని అధికారులు పేర్కొంటున్నారు. కొవిడ్‌ కట్టడికి విధించిన ఐదు రోజుల కఠిన లాక్‌డౌన్‌ ఇటీవలే ముగిసింది. ఇప్పటివరకు కేవలం ఎనిమిది శాతం మంది ఇరాన్‌ ప్రజలు మాత్రమే పూర్తిగా వ్యాక్సిన్‌ వేయించుకున్నారు. అలాగే, తమ దేశంలో 40శాతం కన్నా తక్కువ మంది ప్రజలు మాత్రమే మాస్క్‌లు ధరించడం, భౌతికదూరం పాటించడం వంటి కొవిడ్‌ నిబంధనలను పాటిస్తున్నారని అధికారులు చెబుతున్నారు.

► Read latest India News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.