kabul blasts: కాబుల్‌ బాంబు పేలుళ్లను తామే జరిపినట్లు ప్రకటించిన ఇస్లామిక్‌ స్టేట్‌ 

కాబుల్‌: అఫ్గానిస్థాన్‌ రాజధాని కాబుల్‌లోని హమీద్‌ కర్జాయ్‌ అంతర్జాతీయ విమానాశ్రయం వెలుపల చోటుచేసుకున్న వరుస పేలుళ్లను తామే జరిపినట్లు ఇస్లామిక్‌ స్టేట్‌ (ఐఎస్‌) ప్రకటించింది. ఇద్దరు ఉగ్రవాదులు ఆత్మాహుతి దాడులకు పాల్పడడంతో 12 మంది అమెరికా రక్షణ సిబ్బందితో సహా సుమారు 72 మంది చనిపోయారు. 143 మందికి పైగా గాయపడ్డారు. మృతుల సంఖ్య మరింతగా పెరిగే అవకాశం ఉంది. అబే గేటు వద్ద చోటుచేసుకున్న పేలుడుకు సంబంధించి ఆత్మాహుతి బాంబర్‌ ఫొటోను ఐఎస్‌ విడుదల చేసింది. ఎయిర్‌పోర్ట్‌ వద్ద నిమిషాల వ్యవధిలోనే రెండు పేలుళ్లు జరిగాయి. అనంతరం కొన్ని గంటల తర్వాత సెంట్రల్‌ కాబుల్‌లో మరో పేలుడు జరిగినట్లు ప్రాథమిక సమాచారం.