జమ్ము కశ్మీర్‌లో పాఠశాలలు బంద్ 

శ్రీనగర్‌: కరోనా మహమ్మారి మళ్లీ బుసలు కొడుతోంది. వివిధ రాష్ట్రాలు విద్యా సంస్థలకు సెలవులు ప్రకటించాయి. కొద్ది రోజులుగా జమ్మూ కశ్మీర్‌లో కొవిడ్‌-19 కేసులు పెరుగుతున్నాయి. శనివారం ఒక్కరోజే 501 కొవిడ్‌-19 పాజిటివ్‌ కేసులు నమోదయ్యాయి. దాంతో విద్యార్థుల, ఉపాధ్యాయుల ఆరోగ్యాన్ని దృష్టిలో పెట్టుకుని అక్కడి ప్రభుత్వం కూడా పాఠశాలలు మూసివేయాలనే నిర్ణయం తీసుకుంది. ఏప్రిల్‌ 5 నుంచి 18 వరకూ పాఠశాలలు, ఒక వారం పాటు 10 నుంచి 12 భౌతిక తరగతులు నిలిపేస్తున్నట్లు ఆదివారం ఉదయం లెఫ్టినెంట్‌ గవర్నర్‌ మనోజ్‌ సిన్హా కార్యాలయం ట్విటర్‌ ద్వారా తెలియజేసింది.