మ్యాజిక్‌ ఫిగర్‌కి‌ చేరువలో బైడెన్‌

కీలక రాష్ట్రం మిషిగన్‌లో గెలిచిన డెమొక్రటిక్‌ అధ్యక్ష అభ్యర్థి

ఇంటర్నెట్‌డెస్క్‌: అమెరికా ఎన్నికల్లో అధ్యక్షుడు ట్రంప్‌, ప్రత్యర్థి బైడెన్‌ హోరాహోరీగా తలపడుతున్నారు. అయితే డెమొక్రటిక్‌ అభ్యర్థి బైడెన్‌ కీలక రాష్ట్రాలను గెలుచుకుంటూ వెళ్తున్నారు. తాజాగా మిషిగన్‌(16)లో బైడెన్‌ విజయం సాధించారు. ఈ గెలుపుతో బైడెన్‌ 264 ఎలక్టోరల్‌ ఓట్లు సాధించారు. దీంతో శ్వేత సౌధానికి వైపుగా బైడెన్‌ అడగులు పడుతున్నాయి. ప్రస్తుతం ట్రంప్‌ 214 ఓట్లు సాధించారు. మిషిగన్‌ ఎన్నికల ఫలితాలపై అధ్యక్షుడు ట్రంప్‌ అక్కడి రాష్ట్ర కోర్టులో దావా వేశారు. ఓటింగ్‌ ప్రక్రియలో అవకతవకలు జరిగాయని రిపబ్లిక్‌ ప్రచార బృందం దావాలో పేర్కొంది.

72ఏళ్ల తర్వాత అరిజోనాలో డెమొక్రాట్లు..
ఏడు దశాబ్దాల సుదీర్ఘ విరామం తర్వాత డెమొక్రాట్లకు అరిజోనా మద్దతు లభించింది. అరిజోనాలో ఉన్న 11ఎలక్టోరల్‌ ఓట్ల మద్దతు ఈసారి బైడెన్‌కే లభించింది. అంతేకాకుండా సెనేట్‌ స్థానాన్ని కూడా డెమొక్రాట్‌లకే కైవసం చేసుకున్నారు. 1952 సంవత్సరం నుంచి ఇక్కడ రిపబ్లికన్‌లే గెలుస్తూ వస్తున్నారు. ఎన్నో దశాబ్దాలుగా ఇక్కడ పాగా వేసి ఆధిపత్యం చెలాయించిన రిపబ్లికన్లపై పైచేయి సాధించడంతో డెమొక్రాట్లు ఆనందంలో ఉన్నారు. ఇక్కడ గెలిచేందుకు గత దశబ్దం కాలంగా తీవ్ర ప్రయత్నం చేస్తోన్న డెమొక్రాట్‌లు చివరకు విజయం సాధించారు.

► Read latest India News and Telugu News

► Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.