Karnataka: పార్టీ కార్యకర్తపై చేయిచేసుకున్న సిద్ధ రామయ్య

బెంగళూరు: కాంగ్రెస్‌ నేత, కర్ణాటక మాజీ సీఎం సిద్ధ రామయ్య సొంత పార్టీ కార్యకర్తపై చేయి చేసుకున్నారు. శుక్రవారం ఉదయం ఆయన నివాసం వద్ద ఈ ఘటన జరిగింది. త్వరలో రాష్ట్ర అసెంబ్లీకి ఎన్నికలు జరగనున్న నేపథ్యంలో హరిహర్‌ ఎమ్మెల్యే రామప్పకు టికెట్‌ ఇవ్వాలని ఆయన మద్దతుదారులు డిమాండ్‌చేశారు. ఈ క్రమంలో సిద్ధ రామయ్య  ఇంటి ముందు గుంపుగా చేరారు. అదే సమయంలో బయటకు వచ్చిన సిద్ధ రామయ్యను చుట్టుముట్టారు. ఈ క్రమంలో తోపులాట జరిగింది. దీంతో కోపగించుకున్న ఆయన.. పార్టీ కార్యకర్తపై చేయి చేసుకున్నారు. వెంటనే అక్కడ్నుంచి కారులో వెళ్లిపోయారు. దీనికి సంబంధించిన వీడియో నెట్టింట్లో వైరల్‌గా మారింది.