IN PICS: రెండు కళ్లూ చాలవు.. లక్షలాది దీపకాంతుల్లో అయోధ్య ధగధగ

ఇంటర్నెట్‌ డెస్క్‌: ఉత్తర్‌ప్రదేశ్‌లోని అయోధ్య(Ayodhya)లో దీపావళి వేడుకలు వైభవంగా జరుగుతున్నాయి. ‘దీపోత్సవ్‌’(Deepotsav)లో భాగంగా సరయూ నది ఒడ్డున వెలిగించిన 15లక్షల మట్టి ప్రమిదల దీపకాంతుల్లో అయోధ్య నగరం ధగధగ మెరిసిపోయింది. ఆదివారం అయోధ్యకు చేరుకున్న ప్రధాని నరేంద్ర మోదీ ప్రారంభించిన ఈ దీపోత్సవ్‌ని తిలకించేందుకు భారీ సంఖ్యలో భక్తజనం తరలివచ్చారు. దీపోత్సవ్‌(Deepotsav) వేళ సుందరంగా తీర్చిదిద్దిన సరయూ నది ఒడ్డు(Saryu bank)న వివిధ ఆకృతుల్లో అమర్చిన ఈ దీపాలను వెలిగించేందుకు దాదాపు 22వేల మంది వాలంటర్లు సాయం చేశారు. సరయూ నది ఒడ్డుతో పాటు అయోధ్యలోని ముఖ్యమైన కూడళ్లు, ప్రదేశాల్లోనూ మరికొన్ని ప్రమిదలను వెలిగించారు. ఈ సందర్భంగా బాణసంచా కాల్చడంతో పాటు అక్కడ ఏర్పాటు చేసిన మ్యాజికల్‌ లేజర్‌ షో(Musical laser show) అందరినీ ఆకట్టుకుంటున్నాయి.