Updated : 06 Aug 2022 07:13 IST

National News: హెచ్‌ఐవీ బాధితుడి రక్తాన్ని ఎక్కించుకున్న ప్రేయసి!

స్సాంలో కావాలని ఓ యువతి హెచ్‌ఐవీ బాధితుడి రక్తాన్ని శరీరంలోకి ఎక్కించుకుంది. ఈ దిగ్భ్రాంతికర ఘటన వెనుక ఓ ‘ప్రేమకథ’ ఉంది. అసలేం జరిగిందంటే.. కామ్‌రూప్‌ జిల్లాలోని సువల్‌కచిలో నివాసం ఉంటున్న ఆ యువతి (19)కి.. పొరుగు గ్రామానికి చెందిన ఓ యువకుడితో మూడేళ్ల క్రితం ఫేస్‌బుక్‌లో పరిచయం ఏర్పడింది. అది ప్రేమగా మారి.. ఒకరినొకరు విడిచి ఉండలేని స్థాయికి చేరింది. తర్వాత ఆ యువకుడు హెచ్‌ఐవీ బాధితుడని తెలిసింది. ఆమె ప్రియుడితోనే జీవితం కొనసాగించాలని నిర్ణయించుకుంది. మూడు సార్లు అతనితో గ్రామాన్ని విడిచి వెళ్లిపోయింది. అతన్ని తన నుంచి విడదీస్తారేమోనన్న ఆందోళనతో ఆమె అతని రక్తాన్ని తన శరీరంలోకి ఎక్కించుకుంది. దీంతో యువతి కుటుంబీకులు పోలీసులకు ఫిర్యాదు చేయడంతో బుధవారం ఆ యువకుడిని అరెస్టు చేశారు. అనంతరం ఆ యువతికి వైద్య పరీక్షలు జరిపించగా హెచ్‌ఐవీ రక్తాన్ని ఎక్కించుకున్నట్లు నిర్ధారణ అయింది.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts