Anand Mahindra: వామ్మో ఈ రోడ్డులోనా.. నేనస్సలు వెళ్లను: మహీంద్రా

ముంబయి: ప్రముఖ వ్యాపారవేత్త ఆనంద్‌ మహీంద్రా చేసే పోస్టులు ప్రతి ఒక్కరినీ ఆకట్టుకుంటాయి. సందేశాన్ని ఇస్తాయి. అందుకే ట్విటర్‌లో ఆయన ఫాలోయింగ్ 10 మిలియన్లకు పెరిగిపోయింది. తాజాగా ఆయన చేసిన పోస్టు కూడా వావ్‌ అనిపిస్తూనే.. ఉలిక్కిపడేలా చేస్తోంది. 

ట్రావెలింగ్ భరత్ అనే నెటిజన్ షేర్ చేసిన చిత్రాన్ని మహీంద్రా రీషేర్ చేశారు. అందులో కనిపిస్తోన్న రోడ్డు అత్యంత ప్రమాదకరంగా, ప్రకృతిలో మరో కోణాన్ని చూపుతోంది. దానిని చూస్తుంటే ఒళ్లు జలదరిస్తోంది. ఇంక దానిమీద ప్రయాణమంటే గుండె ఆగిపోతుందేమో అనేలా ఉంది. అలాగే భారత్‌ రోడ్లలోని వైవిధ్యాన్ని చూపుతోంది.  ఆ దృశ్యం లద్దాఖ్‌లోని జోజిలా పాస్‌కు చెందినది. దీనిపై మహీంద్రా స్పందిస్తూ.. ‘ఈ అద్భుతమైన చిత్రాన్ని షేర్ చేసినందుకు కృతజ్ఞతలు.  కానీ నేను ఈ రోడ్డు వద్దకు వెళ్లే అవకాశమే లేదు. నాకు అంత ధైర్యం లేదని అంగీకరిస్తున్నా..!’ అని ట్వీట్ చేశారు. దీనిపై నెటిజన్లు కామెంట్లు పెట్టారు. కొంతమంది తాము ఈ రోడ్డులో ప్రయాణించామని చెప్పగా.. మరికొందరు వామ్మో..ఇది ప్రమాదకరమే..! అని ట్వీట్లు చేశారు.