Covid: మమత బెనర్జీ సోదరుడి కన్నుమూత

కోల్‌కతా: పశ్చిమ బంగాల్‌ ముఖ్యమంత్రి మమతా బెనర్జీ సోదరుడు ఆశిమ్‌ బెనర్జీ(60) కొవిడ్‌ సంబంధిత సమస్యలతో శనివారం ఉదయం మృతిచెందారు. ఇటీవలే కొవిడ్‌ బారిన పడిన ఆయనకు చికిత్స అందిస్తుండగానే ప్రాణాలు కోల్పోయినట్లు కోల్‌కతాలోని మెడికా సూపర్‌స్పెషాలిటీ ఆసుపత్రి వర్గాలు వెల్లడించాయి. కొవిడ్‌ నిబంధనల ప్రకారం ఈ రోజు మధ్యాహ్నం అంత్యక్రియలు నిర్వహిస్తామని సంబంధిత వర్గాలు తెలిపాయి.

మరోవైపు బంగాల్‌లో కరోనా రోజువారీ కేసులు తీవ్ర స్థాయిలో నమోదవుతున్నాయి. దేశంలోని మొత్తం కేసుల్లో 79.7 శాతం 12 రాష్ట్రాల్లోనే ఉన్నాయి. అందులో పశ్చిమ బంగాల్‌ ఒకటి కావడం గమనార్హం. ఈ నేపథ్యంలో అప్రమత్తమైన అక్కడి ప్రభుత్వం రెండు వారాల పాటు పూర్తిస్థాయి లాక్‌డౌన్ విధిస్తున్నట్లు ప్రకటించింది. రేపటి నుంచి లాక్‌డౌన్‌ అమల్లోకి రానుంది. నిత్యావసర సరకుల నిమిత్తం కొన్ని దుకాణాలను మాత్రం ఉదయం 7 గంటల నుంచి 10 గంటల వరకు తెరిచేందుకు అనుమతించారు.

► Read latest India News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.