Startups: దేశం కోసం.. దేశం నుంచి.. ఆవిష్కరణలు చేద్దాం : ప్రధాని మోదీ

దిల్లీ : జనవరి 16ను జాతీయ అంకుర దినోత్సవంగా జరుపుకోవాలని ప్రధాని నరేంద్ర మోదీ కోరారు. అంకుర సంస్థలు నవ భారతానికి వెన్నెముకగా మారనున్నాయని అన్నారు. 150కిపైగా స్టార్టప్‌ కంపెనీల ప్రతినిధులతో ప్రధాని నరేంద్ర మోదీ వీడియో కాన్ఫరెన్స్‌ నిర్వహించి ప్రసంగించారు.

‘భారత దేశం కోసం ఆవిష్కరణలు చేద్దాం.. భారత దేశం నుంచి ఆవిష్కరణలు చేద్దాం. దేశంలోని ప్రతి జిల్లాలోనూ అంకుర సంస్థలు రావాలి. కొత్త ఆవిష్కరణలతో ముందుకొస్తున్న యువతకు అభినందనలు. విశ్వయవనికపై భారత అంకుర పతాకం ఎగురవేయాలి. 2013-14లో 4 వేల పేటెంట్లు ఉండగా.. గతేడాది 28 వేలకు చేరాయి. యువత ఆలోచనలు విశ్వవ్యాప్తంగా ప్రభావితం చేసేలా ఉండాలి’ అని ప్రధాని అన్నారు.