మోదీ తలపాగా.. బహూకరించిందెవరంటే?

దిల్లీ: ప్రధాని నరేంద్ర మోదీ వస్త్రధారణ సందర్భానికి తగ్గట్టుగా విభిన్నంగా ఉంటుంది. మరీ ముఖ్యంగా ఆయన ధరించే తలపాగాలు ఆకట్టునే రీతిలో ఉంటాయి. ఈసారి 72వ గణతంత్ర వేడుకలకు ఈ తరహా శైలిలోనే హాజరయ్యారు. అయితే ఈసారి ధరించిన తలపాగాకు మాత్రం ఓ ప్రత్యేకత ఉంది.

ఈసారి గణతంత్ర వేడుకల్లో ప్రధాని మోదీ ముదురు కాషాయ రంగులో ఉన్న తలపాగాను ధరించారు. ఆయన స్వరాష్ట్రం గుజరాత్‌లోని జామ్‌ నగర్‌కు చెందిన రాజకుటుంబం దాన్ని బహూకరించింది. ఆ రాజకుటుంబం మొదటిసారి ఇలా దాన్ని బహుమతిగా అందివ్వడం గమనార్హం. 2014లో మోదీ ప్రధానిగా బాధ్యతలు స్వీకరించిన అనంతరం..మొదటిసారి తలపాగాతో స్వాతంత్ర దినోత్సవ వేడుకలకు హాజరై ప్రసంగించారు. ఆ సందర్భంలో ముదురు రంగు తలపాగాను ధరించారు. అప్పటి నుంచి ఆయన సందర్భానికి తగ్గట్టుగా వాటిని ధరిస్తూ వస్తున్నారు. కాగా, ఈ ప్రత్యేక రోజును పురస్కరించుకొని ప్రధాని జాతీయ యుద్ధ స్మారకం వద్ద పుష్పగుచ్ఛం ఉంచి, అమరవీరులకు నివాళి అర్పించారు. అయితే కొవిడ్ మహమ్మారి నేపథ్యంలో ఈ సారి గణతంత్ర వేడుకలు పరిమిత స్థాయిలోనే జరిగాయి. త్రివిధ దళాల సైనిక పాటవాల ప్రదర్శన, శకటాల రూపంలో ఆయా రాష్ట్రాల సంస్కృతిని ప్రతిబింబించే కార్యక్రమాలు మాత్రం ఎప్పటిలాగానే కొనసాగాయి.    

ఇవీ చదవండి:

మోదీ చిత్రం: 24 గంటల్లో మిలియన్ లైక్స్‌