Published : 10 Dec 2021 20:36 IST

Covid: చిట్టెలుక తెచ్చిన ‘కొవిడ్‌’ తంటా.. తైవాన్‌ అప్రమత్తం!

తైపీ: పకడ్బందీ చర్యలతో కొవిడ్‌ మహమ్మారి వ్యాప్తిని అరికడుతున్న తైవాన్‌లో.. నెలరోజుల తర్వాత తాజాగా ఓ పాజిటివ్‌ కేసు బయటపడింది. అయితే.. ఈ కేసు వ్యాప్తి వ్యవహారం కొవిడ్‌ సోకిన ఓ చిట్టెలుక చుట్టూ అల్లుకుని ఉండటం చర్చనీయాంశంగా మారింది. వివరాల్లోకి వెళ్తే.. 20 ఏళ్ల ఓ ల్యాబ్‌ వర్కర్‌ స్థానికంగా హై సెక్యూరిటీ ప్రయోగశాల ‘అకాడెమికా సినికా జెనోమిక్ రీసెర్చ్ సెంటర్‌’లో ఉద్యోగి. దేశంలోని అత్యున్నత పరిశోధనా సంస్థల్లో ఒకటైన ఇందులో.. వ్యాధికారకాలపై పరిశోధనలు, జంతువుల్లో వ్యాక్సిన్‌ సామర్థ్యాన్ని పరీక్షించడం చేస్తుంటారు. అయితే, ఇటీవల ఇందులోని కొవిడ్‌ సోకిన ఓ ల్యాబోరేటరీ చిట్టెలుక.. ఆమెను కరిచింది.

ఈ క్రమంలోనే తాజాగా ఆమెకు కొవిడ్‌ పాజిటివ్‌గా నిర్ధారణ అయింది. ఈ విషయాన్ని ఆరోగ్యశాఖ మంత్రి చెన్ షిహ్ చుంగ్ ధ్రువీకరించారు. అయితే.. వైరస్ వ్యాప్తికి చిట్టెలుక కరవడమే కారణమా..? కాదా? నిర్ధారించేందుకు దర్యాప్తు అవసరమని ల్యాబ్‌ సీనియర్‌ అధికారి చెప్పారు. ఆమెకు డెల్టా వేరియంట్‌ సోకినట్లు భావిస్తున్నారు. మరోవైపు ఆమెతో క్లోజ్డ్‌ కాంటాక్ట్‌గా ఉన్న 94 మందిని ఆరోగ్య అధికారులు క్వారంటైన్‌లో ఉంచారు. తైవాన్‌లో చివరగా నవంబర్ 5న ఓ కేసు బయటపడింది. ఇదిలా ఉండగా.. అందుబాటులో ఉన్న సమాచారం ప్రకారం జంతువుల నుంచి మనుషులకు కొవిడ్‌ వ్యాపించే ప్రమాదం తక్కువేనని అమెరికాలోని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) ఇదివరకు పేర్కొంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని