Attorney General: నూతన అటార్నీ జనరల్‌గా ఆర్‌.వెంకటరమణి

దిల్లీ: నూతన అటార్నీ జనరల్‌ (ఏజీ)ని కేంద్ర ప్రభుత్వం నియమించింది. సుప్రీంకోర్టు సీనియర్‌ అడ్వకేట్‌ ఆర్‌. వెంకటరమణిని తదుపరి ఏజీగా నియమిస్తూ రాష్ట్రపతి ద్రౌపదీ ముర్ము ఉత్తర్వులు జారీచేశారు. ఈ పదవిలో ఆయన మూడేళ్ల పాటు కొనసాగనున్నారు. ప్రస్తుతం ఏజీగా కొనసాగుతున్న కేకే వేణుగోపాల్ పదవీ కాలం ఈ నెల 30తో ముగియనున్న నేపథ్యంలో కొత్త ఏజీగా వెంకటరమణిని నియమిస్తూ కేంద్ర న్యాయమంత్రిత్వశాఖ నోటిఫికేషన్‌ విడుదల చేసింది. అయితే, అంతకముందు ఈ పదవి చేపట్టాలని సుప్రీంకోర్టు సీనియర్‌ న్యాయవాది ముకుల్‌ రోహత్గీని కేంద్రం కోరగా ఆయన తిరస్కరించిన విషయం తెలిసిందే.