రెండు వారాల కవలల్లో కరోనా వైరస్‌

వడోదర: దేశంలో కరోనా సెకండ్ వేవ్‌ కోరలు చాచుతోంది. చిన్నాపెద్దా తేడా లేకుండా అందిరిలోనూ ఈ మహమ్మారి వెలుగుచూస్తోంది. తాజాగా గుజరాత్‌లోని వడోదరలో ఈ మధ్యనే జన్మించిన కవలలకు కొవిడ్‌ పాజిటివ్ నిర్ధారణ అయినట్లు అధికారులు వెల్లడించారు. జన్మించిన అనంతరం డిశ్చార్జి చేసి ఇంటికి పంపించగా.. 15 రోజుల తర్వాత వారిలో డీహైడ్రేషన్‌ లక్షణాలు బయటపడ్డాయి. దీంతో చిన్నారులను ఆసుపత్రికి తరలించి అన్ని రకాల వైద్య పరీక్షలు నిర్వహించగా.. కరోనా పాజిటివ్‌ వచ్చినట్లు వైద్యులు తెలిపారు. ఈ క్రమంలో వారికి ఆసుపత్రిలోనే చికిత్స అందిస్తున్నట్లు వైద్యులు వివరించారు.