Indian Railway: ప్రైవేటు ఆలోచనే లేదు: అశ్వని వైష్ణవ్‌

ధిల్లీ: భారత రైల్వే వ్యవస్థను ప్రైవేటుపరం చేసే ఆలోచనే లేదని కేంద్ర రైల్వే మంత్రి అశ్వని వైష్ణవ్ స్పష్టం చేశారు. లోక్ సభలో రైల్వేశాఖ కేటాయింపులపై జరిగిన చర్చ సందర్భంగా కేంద్రం రైల్వేను కూడా ప్రైవేటీకరించేందుకు ప్రణాళికలు రచిస్తోందని పలువురు ఎంపీలు ఆరోపించారు. దీనిపై స్పందించిన మంత్రి రైల్వేను ప్రైవేటుపరం చేయడమనేది కేవలం ప్రతిపక్షాల ఊహాజనిత ఆలోచన మాత్రమేనని స్పష్టం చేశారు. రైల్వేలో ట్రాక్‌లు, స్టేషన్లు, రైలు ఇంజిన్లు, బోగీలు అన్నీ  ప్రభుత్వ ఆస్తులేనని, రైల్వేను ప్రైవేటుపరం చేసే ఆలోచనే లేదని పేర్కొన్నారు. రైల్వే శాఖలో ఉద్యోగ నియామకాలపై ఎటువంటి నిషేధం లేదన్న ఆయన 1.4 లక్షల పోస్టుల భర్తికీ ఇప్పటికే చర్యలు చేపట్టినట్లు తెలిపారు.