బైడెన్.. హారిస్ తొలి ట్వీట్లు ఇవే..
వాషింగ్టన్: అగ్రరాజ్యం అమెరికాలో కొత్త ఉషోదయం ప్రారంభమైంది. డెమొక్రాటిక్ నేతలు జో బైడెన్, కమలా హారిస్ నేతృత్వంలో నూతన ప్రభుత్వం కొలువుదీరింది. అక్కడి కాలమానం ప్రకారం బుధవారం మధ్యాహ్నం ఈ వేడుక జరిగింది. కాగా.. అధ్యక్షుడి హోదాలో బైడెన్ ట్విటర్ వేదికగా స్పందించారు. ‘‘సమయాన్ని వృథాకానివ్వను ’’ అంటూ తొలి ట్వీట్ చేశారు. అటు ప్రమాణస్వీకారం అనంతరం కమలాహారిస్ కూడా ట్విటర్లో స్పందిస్తూ.. ‘‘సేవ చేయడానికి సిద్ధంగా ఉన్నాం’’ అన్నారు.
బుధవారం ఉదయమే అమెరికా అధ్యక్షుడి అధికారిక ఖాతా @POTUSను ట్విటర్ సంస్థ బైడెన్ యంత్రాంగానికి అప్పగించింది. ప్రమాణస్వీకారం తర్వాత బైడెన్ ఈ ఖాతా నుంచి తొలి ట్వీట్ చేశారు. ‘‘ప్రస్తుతం మనం ఎదుర్కొంటున్న సంక్షోభాలను పరిష్కరించాలంటే సమయాన్ని వృథా చేయకూడదు. అందుకే ఈ రోజే నేను ఓవల్ ఆఫీస్కు వెళ్లి పని ప్రారంభిస్తున్నాను. అమెరికా కుటుంబాలకు తక్షణ ఉపశమనం కల్పించేందుకు కీలక నిర్ణయాలు తీసుకుంటున్నాను’’ అని బైడెన్ ట్విటర్లో పేర్కొన్నారు.
అటు ఉపాధ్యక్షురాలిగా ప్రమాణస్వీకారం చేసిన కమలా హారిస్ కూడా తన అధికారిక వైస్ ప్రెసిడెంట్ ఖాతా నుంచి తొలి ట్వీట్ చేశారు. ‘‘ప్రజలకు సేవ చేసేందుకు సిద్ధంగా ఉన్నాను’’ అని తెలిపారు. ఉపాధ్యక్షురాలి బాధ్యతలు చేపట్టడం గర్వంగా ఉందన్న హారిస్ అందుకు సంబంధించిన ఓ వీడియోను పంచుకున్నారు.
బుధవారం మధ్యాహ్నం 12 గంటల తర్వాత కాంగ్రెస్ భవనం క్యాపిటల్ హిల్ వెలుపల ఏర్పాటు చేసిన వేదికపై 78ఏళ్ల బైడెన్ 46వ అధ్యక్షుడిగా ప్రమాణస్వీకారం చేశారు. ఆ తర్వాత తొలి మహిళా ఉపాధ్యక్షురాలిగా 56ఏళ్ల కమలా హారిస్ బాధ్యతలు చేపట్టారు. ఇటీవల జరిగిన ‘క్యాపిటల్’ దాడుల నేపథ్యంలో అత్యంత కట్టుదిట్టమైన భద్రత నడుమ ఈ వేడుక జరిగింది. మాజీ అధ్యక్షుడు బరాక్ ఒబామా.. బిల్ క్లింటన్ సతీసమేతంగా ఈ కార్యక్రమానికి హాజరై కొత్త ప్రభుత్వానికి శుభాకాంక్షలు తెలిపారు. ప్రమాణస్వీకారం అనంతరం బైడెన్ ప్రసంగిస్తూ.. అందరి అధ్యక్షునిగా ఉంటానని హామీ ఇచ్చారు.
ఇవీ చదవండి..
కీలక ఆదేశాలపై జో బైడెన్ సంతకం
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
India News
Lumpy Disease: పశువులను పీడిస్తోన్న ‘లంపీ’ డిసీజ్.. రాజస్థాన్లోనే 12వేల మూగజీవాలు మృతి
-
General News
TS Eamcet: రేపు ఉదయం ఎంసెట్, ఈసెట్ ఫలితాలు విడుదల
-
Politics News
Prudhvi Raj: ఇంత దౌర్భాగ్యం ఎప్పుడూ చూసి ఉండం.. మాధవ్ వీడియోపై పృథ్వీరాజ్ కామెంట్
-
Sports News
CWG 2022: కామన్వెల్త్ క్రీడల్లో పాల్గొన్న ఇద్దరు బాక్సర్లు అదృశ్యం!
-
Crime News
Crime news: యమునా నదిలో 35మందితో పడవ బోల్తా.. నలుగురి మృతి.. ముమ్మర గాలింపు
-
Technology News
Xiaomi MiGU Headband: షావోమి హెడ్బ్యాండ్.. మనిషి మెదడును చదివేస్తుంది!
ఎక్కువ మంది చదివినవి (Most Read)
- Horoscope Today: ఈ రోజు రాశి ఫలం ఎలా ఉందంటే? (11/08/2022)
- Lal Singh Chaddha: రివ్యూ: లాల్ సింగ్ చడ్డా
- Viral Video: పిల్లలకు తిండిపెట్టాలా? చంపుకోవాలా?.. ఓ తల్లి ఆవేదన!
- Vishal: షూటింగ్లో ప్రమాదం.. నటుడు విశాల్కు తీవ్ర గాయాలు
- IT Raids: వ్యాపారి ఇళ్లల్లో నోట్ల గుట్టలు.. లెక్కించడానికే 13 గంటలు!
- YS Vijayamma: వైఎస్ విజయమ్మకు తప్పిన ప్రమాదం
- Prashant Kishor: నీతీశ్ అందుకే భాజపాను వీడారు..!
- Hanumakonda: రైలెక్కించి పంపారు.. కాగితాల్లో చంపారు
- Tollywood Movies: ఈ వసూళ్లు చూసి సంబరాలు చేసుకోకూడదు: తమ్మారెడ్డి భరద్వాజ
- IT Jobs: ఐటీలో వలసలు తగ్గుతాయ్