Kerala: సముద్రంలో తేలియాడే వంతెన.. ఒకేసారి 500 మందికి ప్రవేశం!

కోజికోడ్‌: పర్యాటకులకు సరికొత్త అనుభూతిని కలిగించేందుకు కేరళ ప్రభుత్వం సమాయత్తమైంది. నీటిపై తేలియాడే వంతెనను కోజికోడ్ జిల్లాలోని బైపొరే బీచ్‌లో నిర్మించారు. కేరళలో ప్రముఖ సముద్ర తీర ప్రాంతమైన బైపొరే బీచ్‌లో కేరళ పర్యాటక శాఖ దీన్ని నిర్మించింది. పర్యాటకులు అలలపై నడిచేలా దీనిని ఏర్పాటు చేశారు. ఈ వంతెన 100 మీటర్ల పొడవు... 3 మీటర్ల వెడల్పు ఉంది. ఒకేసారి 500 మంది పర్యాటకులు వంతెనపై ఉండి అలలపై తేలియాడుతున్న అనుభూతి పొందవచ్చు. పర్యాటకులు వంతెనపైకి వెళ్లాలంటే లైఫ్ జాకెట్లు తప్పనిసరిగా ధరించాల్సిందే.