Updated : 20 Dec 2021 16:56 IST

Omicron: బ్రిటన్‌లో ఒమిక్రాన్‌ ఉద్ధృతి.. 12కు చేరిన మరణాలు

లండన్‌: ప్రపంచదేశాలకు వణుకు పుట్టిస్తోన్న ఒమిక్రాన్‌ వేరియంట్‌.. బ్రిటన్‌ను హడలెత్తిసతోంది. ప్రపంచంలోనే అత్యధిక ఒమిక్రాన్‌ కేసులు అక్కడే నమోదవుతుండగా.. మరణాల సంఖ్య కూడా నానాటికీ పెరుగుతోంది. కొత్త వేరియంట్‌ కారణంగా ఇప్పటివరకు అక్కడ 12 మంది మరణించినట్లు ఆ దేశ ఆరోగ్య శాఖ గణాంకాలు వెల్లడించారు. ఇక ఒమిక్రాన్‌తో 104 మంది ఆసుపత్రిలో చేరినట్లు పేర్కొన్నాయి. 

గడిచిన 24 గంటల్లో బ్రిటన్‌లో 90వేల మందికి పైగా కొవిడ్‌ బారిన పడగా.. అందులో 12వేలకు పైగా ఒమిక్రాన్‌ కేసులు వెలుగుచూశాయి. దీంతో ఆ దేశంలో కొత్త వేరియంట్ కేసుల సంఖ్య 37వేలు దాటడం గమనార్హం. ఇప్పటివరకు 12మంది ఒమిక్రాన్‌తో మరణించినట్లు ఆ దేశ ఆరోగ్య కార్యదర్శి సాజిద్‌ జావిద్‌ వెల్లడించారు. దీంతో వైరస్‌ వ్యాప్తి నివారణకు మళ్లీ ఆంక్షలు విధించాలని బ్రిటన్ సర్కారు భావిస్తోంది. ఒమిక్రాన్‌ విజృంభణ నేపథ్యంలో అక్కడ బూస్టర్‌ డోసు పంపిణీని వేగవంతం చేశారు. 

తొలిసారిగా దక్షిణాఫ్రికాలో వెలుగుచూసిన ఈ వేరియంట్ ఇప్పటికే అనేక దేశాలకు పాకింది. అయితే ఐరోపా దేశాలతో పాటు అమెరికాలోనూ దీని విజృంభణ ఎక్కువగా ఉంది. అయితే మరణాలు మాత్రం ఇప్పటి వరకు ఒక్క బ్రిటన్‌లోనే నమోదవడం గమనార్హం. 


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts