Punjab: ₹150 కోట్ల స్కాం.. 11వేలకు పైగా యంత్రాలు మాయం!

పంజాబ్‌లోని ఆప్‌ సర్కార్‌ పెద్ద స్కామ్‌ను బట్టబయలు చేసింది. రైతులకు ఇవ్వాల్సిన 11వేలకు పైగా పంట అవశేషాల నిర్వహణ ......

Published : 19 Aug 2022 02:22 IST

విచారణకు ఆదేశించిన ఆప్‌ సర్కార్‌

చండీగఢ్‌: పంజాబ్‌లోని ఆప్‌ సర్కార్‌ పెద్ద స్కామ్‌ను బట్టబయలు చేసింది. రైతులకు ఇవ్వాల్సిన 11వేలకు పైగా పంట అవశేషాల నిర్వహణ యంత్రాలు మాయమైనట్టు గుర్తించింది. గతంలో కెప్టెన్‌ అమరీందర్‌ సింగ్ నేతృత్వంలోని కాంగ్రెస్‌ సర్కార్‌ రూ.150 కోట్లకు పైగా ప్రజాధనాన్ని లూటీ చేసిందని.. ఆ యంత్రాలు ఇచ్చినట్టు కేవలం కాగితాల్లోనే పేర్కొన్నారని పంజాబ్‌ వ్యవసాయశాఖ మంత్రి కుల్దీప్‌ సింగ్‌ దహిల్వాల్‌ మండిపడ్డారు. కేంద్ర ప్రభుత్వం సబ్సిడీపై ఇచ్చిన ఈ యంత్రాలు రైతులకు అందలేదన్న సమాచారంతో క్షేత్రస్థాయి సర్వేకు తాను ఆదేశాలు ఇచ్చినట్టు తెలిపారు. 

2018 నుంచి ఈ నెల వరకు రైతులకు అందిన యంత్రాలకు సంబంధించిన వివరాలను పరిశీలించగా.. ప్రభుత్వం మొత్తంగా 90,422 యంత్రాలు కొనుగోలు చేసి సబ్సిడీపై లబ్ధిదారులకు పంపిణీ చేసినట్టు పేర్కొన్నప్పటికీ.. వాటిలో కనీసం 11,275 (12శాతం) యంత్రాలు వారికి అందలేదని గుర్తించారు. ఈ యంత్రాలు కొనుగోలు చేసినట్టు కేవలం పేపర్లపైనే ఉందని వెల్లడించారు. ఇందుకు ప్రధాన బాధ్యత అప్పట్లో వ్యవసాయశాఖ బాధ్యతలు చూసిన మాజీ సీఎం అమరీందర్‌ సింగ్‌, కాంగ్రెస్‌ పార్టీదేనన్నారు. వారిద్దరూ స్పందించలేదని మండిపడ్డారు. ఈ వ్యవహారంపై విజిలెన్స్‌ డిపార్ట్‌మెంట్‌తో విచారణకు సంబంధించిన దస్త్రాన్ని తాను సీఎం భగవంత్‌ మాన్‌కి పంపినట్టు మంత్రి వెల్లడించారు. అయితే, ఈ యంత్రాలపై మొత్తం సబ్సిడీ రూ.1200 కోట్లు కాగా.. ఈ వ్యవహారంలో రూ.150 కోట్లు మేర కుంభకోణం జరిగినట్టు తాము అంచనా వేస్తున్నామన్నారు. ఇలాంటి కుంభకోణాలు జరిగితే కేంద్రం నుంచి గ్రాంట్‌లు పొందడం కష్టమవుతుందని ఆవేదన వ్యక్తంచేశారు. ఇదంతా ప్రజాధనమని.. ఈ స్కామ్‌లో ఎవరి ప్రమేయం ఉన్నా కఠిన చర్యలు తప్పవని మంత్రి హెచ్చరించారు.

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని