Published : 08 Oct 2021 23:10 IST

Jammu Kashmir: ‘కశ్మీర్‌వాసుల భద్రతకు భరోసా ఇవ్వాలి’

శ్రీనగర్‌: జమ్మూ- కశ్మీర్‌లోని శ్రీనగర్‌లో గురువారం ఓ పాఠశాలలోకి చొరబడిన ఉగ్రవాదులు.. ప్రధానోపాధ్యాయురాలితోపాటు మరో ఉపాధ్యాయుడిని కాల్చి చంపిన విషయం తెలిసిందే. ఈ ఘటన దేశవ్యాప్తంగా చర్చనీయాంశమైంది. అధికార, విపక్ష నేతలు ముక్తకంఠంతో ఈ దాడిని ఖండించారు. తాజాగా కాంగ్రెస్‌ నాయకురాలు ప్రియాంక గాంధీ వాద్రా ఈ ఘటనపై ట్విటర్‌ వేదికగా స్పందించారు. ఈ దాడిని ఖండించారు. కేంద్ర ప్రభుత్వం కశ్మీర్‌వాసులకు పకడ్బందీ భద్రత అందించాలని డిమాండ్‌ చేశారు. ‘కశ్మీరీయులపై పెరుగుతున్న ఉగ్ర దాడులు బాధాకరం. వీటిని తీవ్రంగా ఖండిస్తున్నా. ఈ కష్ట సమయంలో మేమంతా కశ్మీర్‌వాసుల వెంట ఉన్నాం’ అని పేర్కొన్నారు. కేంద్ర ప్రభుత్వం తక్షణమే తగిన చర్యలు తీసుకోవడంతోపాటు పౌరులందరి భద్రతకు భరోసా ఇవ్వాలన్నారు.

కశ్మీర్‌ లోయలో ముష్కరులు గత ఆరు రోజుల వ్యవధిలో ఏడుగురు పౌరులను బలిగొనడంతో స్థానికంగా భయాందోళన పరిస్థితులు నెలకొన్నాయి. ఈ క్రమంలో లోయలో శాంతికి భంగం కలిగించేందుకు కొందరు ప్రయత్నిస్తున్నారంటూ కేంద్రం ఆరోపించింది. ఉగ్రవాదులు త్వరలోనే ఇందుకు మూల్యం చెల్లించుకోవాల్సి వస్తుందని జమ్మూ- కశ్మీర్‌ లెఫ్టినెంట్‌ గవర్నర్‌ మనోజ్‌ సిన్హా హెచ్చరించారు. ఇదిలా ఉండగా, ఈ ఏడాదిలో ఇప్పటివరకు జరిగిన ఉగ్ర దాడుల్లో మొత్తం 28 మంది పౌరులు మృతి చెందినట్లు జమ్మూ- కశ్మీర్‌ పోలీసులు వెల్లడించారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని