Updated : 09 Aug 2021 20:01 IST

PM Modi: సముద్ర వాణిజ్యానికి అవరోధాలు తొలగాలి.. ఐరాసలో మోదీ

దిల్లీ: ప్రపంచ దేశాల మధ్య సముద్ర మార్గంలో వాణిజ్యానికి ప్రస్తుతం ఎదురవుతున్న అవరోధాలను తొలగించాల్సిన అవసరం ఉందని ప్రధాని మోదీ సూచించారు. అంతర్జాతీయ దేశాల మధ్య సముద్ర సహకారం పెంచడానికి పలు సూత్రాలను ప్రస్తావించారు. ఈ మేరకు ఐక్యరాజ్యసమితి భద్రతా మండలి (యూఎన్‌ఎస్‌సీ)లో సోమవారం సముద్ర భద్రత అంశంపై వర్చువల్‌గా ఆయన ప్రసంగించారు. ఈ సమావేశానికి ఆయనే అధ్యక్షత వహించారు. ప్రస్తుతం భద్రతా మండలి అధ్యక్ష స్థానంలో భారత్‌ ఉండడంతో మోదీకి ఈ అవకాశం దక్కింది. ఇలా ఓ ఐరాస చర్చకు అధ్యక్షత వహిస్తున్న తొలి భారత ప్రధాని మోదీయే కావడం విశేషం.

సముద్ర మార్గాలు ప్రపంచ దేశాలకు దక్కిన వారసత్వ సంపద అని, ఈ మార్గాలు ప్రపంచ వాణిజ్యానికి జీవనాడి అని ప్రధాని మోదీ అన్నారు. అలాంటి మార్గాలు పైరసీ కోసం, తీవ్రవాదుల కోసం దుర్వినియోగం అవుతున్నాయని ఆవేదన వ్యక్తంచేశారు. అలాగే అనేక దేశాల మధ్య సముద్ర వివాదాలు ఉన్నాయన్నారు. వీటిని శాంతియుతంగా, అంతర్జాతీయ చట్టాల ఆధారంగా పరిష్కరించుకోవాలన్నారు. సముద్ర వాణిజ్యం పెరగాలంటే ఇటువంటి అవరోధాలన్నీ తొలగాలన్నారు. అదే సమయంలో సముద్ర పర్యావరణాన్ని కాపాడుకోవాల్సిన అవసరం ఉందని మోదీ చెప్పారు. ప్లాస్టిక్‌ వ్యర్థాలు, చమురు కారణంగా సముద్ర జలాలు కలుషితం కాకుండా చూసుకోవాలని సభ్య దేశాలకు పిలుపునిచ్చారు. సముద్రంలో సంభవించే తుపానులు, సునామీలను కలిసికట్టుగా ఎదుర్కోవాలన్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్