Prashant Kishor: 3500కి.మీ పాదయాత్రను మొదలుపెట్టిన ప్రశాంత్‌ కిశోర్‌

ప్రముఖ ఎన్నికల వ్యూహకర్త ప్రశాంత్‌ కిశోర్‌.. 3500 కి.మీ సుదీర్ఘ పాదయాత్రను బిహార్‌లో మొదలుపెట్టారు.

Published : 03 Oct 2022 01:23 IST

రాంచీ: ప్రముఖ ఎన్నికల వ్యూహకర్త ప్రశాంత్‌ కిశోర్‌ (Prashant Kishor) సుదీర్ఘ పాదయాత్రను మొదలుపెట్టారు. ‘జన్‌ సూరజ్‌’ పేరుతో ప్రారంభించిన ఈ యాత్ర సుమారు 3500కి.మీ మేర కొనసాగుతుందన్నారు. గాంధీ జయంతి (Gandhi Jayanti) సందర్భంగా బిహార్‌లోని పశ్చిమ చంపారన్‌ జిల్లాలో ప్రశాంత్‌ కిశోర్‌ ఈ పాదయాత్రను ప్రారంభించారు. ప్రజా సమస్యలను తెలుసుకునేందుకు అని చెబుతున్నా, క్రియాశీల రాజకీయాల్లోకి వచ్చేందుకే ఈ పాదయాత్ర చేపట్టినట్లు విశ్లేషకులు భావిస్తున్నారు.

మహాత్మాగాంధీ 1917లో మొదటి సత్యాగ్రహ ఉద్యమాన్ని (Satyagraha movement) ప్రారంభించిన భీతిహర్వా గాంధీ ఆశ్రమ్‌ నుంచి ప్రశాంత్‌ కిశోర్‌ ఈ పాదయాత్రను మొదలుపెట్టారు. ఈ యాత్ర ద్వారా బిహార్‌లోని ప్రతి పంచాయతీ, బ్లాక్‌ను పర్యటించాలని ప్రశాంత్‌ కిశోర్‌, ఆయన మద్దతుదారులు లక్ష్యంగా పెట్టుకున్నట్లు సమాచారం. అయితే, ఈ యాత్ర పూర్తికావడానికి సుమారు 12 నుంచి 15 నెలలు పట్టవచ్చని అంచనా వేస్తున్నారు.

పాదయాత్ర ప్రారంభానికి ముందు ట్విటర్‌లో స్పందించిన పీకే.. అత్యంత పేద, బలహీన రాష్ట్రంగా ఉన్న బిహార్‌ రూపురేఖలను మార్చాలని నిశ్చయించుకున్నట్లు వెల్లడించారు. సమాజంలో మార్పు తీసుకురావడంలో భాగంగా ఈ పాదయాత్ర తొలి అడుగు అని అన్నారు. ఇదే సమయంలో క్షేత్రస్థాయిలో సరైన పౌరులను గుర్తించి, వారిని ప్రజాస్వామ్య వేదికపైకి తీసుకురావడం ధ్యేయమని ‘జన్‌ సూరజ్‌’ పేర్కొంది.

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts