మేఘన్‌ ఆరోపణలపై స్పందించిన ప్రిన్స్‌ విలియం!

లండన్‌: బ్రిటన్‌ రాజకుటుంబంలో తనకు జాతి వివక్ష ఎదురైందని ప్రిన్స్‌ హ్యారీ-మేఘన్‌లు చేసిన ఆరోపణలను హ్యారీ సోదరుడు ప్రిన్స్‌ విలియమ్స్‌ ఖండించారు. తమది జాతి వివక్ష చూపించే కుటుంబం కాదని ప్రిన్స్‌ విలియమ్స్‌ స్పష్టంచేశారు. తూర్పు లండన్‌లో భిన్న వర్గాలకు చెందిన పిల్లలు చదువుకునే ఓ పాఠశాలను సందర్శించిన ప్రిన్స్‌ విలియం దంపతులు అక్కడ మీడియాతో మాట్లాడారు.

రాజ కుటుంబంలో తనకు జాతి వివక్ష ఎదురైందని, మానసిక ఒత్తిడితో ఆత్మహత్య ఆలోచనలు చుట్టుముట్టాయని ఈ మధ్య ఇచ్చిన ఇంటర్వ్యూలో మేఘన్‌ తీవ్ర ఆరోపణలు చేసిన విషయం తెలిసిందే. దీనిని ఖండిస్తూ ఇప్పటికే బకింగ్‌హామ్‌ ప్యాలెస్‌ ఓ ప్రకటన చేయగా, తాజాగా ప్రిన్స్‌ విలియం ఆ ఆరోపణలను ఖండించారు. అయితే, ఆ ఇంటర్వ్యూ ఇచ్చిన తర్వాత తన సోదరుడు హ్యారీతో మాట్లాడలేదని, కానీ, తప్పకుండా మాట్లాడుతానని ప్రిన్స్‌ విలియం చెప్పారు.

► Read latest India News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.