Python eggs hatched artificially: కొండచిలువ గుడ్లను పొదిగించారు!

మంగళూరు, న్యూస్‌టుడే: ఎక్కడైనా కోడి, ఇతర పక్షుల గుడ్లను కృత్రిమంగా పొదిగించడం విన్నాం.. చూశాం. కానీ కర్ణాటకలోని మంగళూరు సమీపంలో కొండచిలువ గుడ్లను కృత్రిమంగా పొదిగించి 8 పిల్లల్ని అటవీ అధికారుల సహకారంతో సురక్షితంగా అడవిలో వదిలారు. పది గుడ్లను పొదిగించగా రెండు మురిగిపోయినట్లు గుర్తించారు. ఈ వినూత్న ప్రయోగానికి పాముల సంరక్షకులు కిరణ్‌, అజయ్‌ ముందడుగు వేశారు. డొంగరకేరి గ్రామంలోని వేంకటేశ్వర ఆలయం ఎదురుగా ఉన్న కట్టడాన్ని కూలుస్తుండగా శమీత్‌ సువర్ణ అనే వ్యక్తి పది కొండచిలువ గుడ్లను గుర్తించారు. వీటి గురించి కిరణ్‌, అజయ్‌లకు సమాచారం అందించారు. వారిద్దరూ వివరాలు సేకరించి, విజయవంతంగా ఆ గుడ్లను పొదిగించారు.