Published : 31/10/2021 01:42 IST

Rahul Gandhi: గోవా వీధుల్లో రాహుల్‌ బైక్‌ రైడ్‌.. 

పనాజీ: కాంగ్రెస్‌ అగ్రనేత రాహుల్‌ గాంధీ శనివారం గోవాలో పర్యటిస్తున్నారు. ఈ సందర్భంగా పలు కార్యక్రమాల్లో పాల్గొన్న ఆయన.. గోవా వీధుల్లో కొంతసేపు బైక్‌పై తిరిగారు. రోడ్డు పక్కన ఉన్న దాబాలో భోజనం చేశారు. 

ఈ ఉదయం దక్షిణ గోవా చేరుకున్న రాహుల్‌.. అక్కడి బాంబూలిమ్‌ గ్రామంలో మత్స్యకారులను కలిసి వారితో మాట్లాడారు. అక్కడి నుంచి తిరుగు ప్రయాణమైన ఆయన మధ్యలో ఆగి రోడ్డు పక్కన దాబాలో భోజనం చేశారు. ఆయన వెంట పలువురు కాంగ్రెస్‌ నేతలు ఉన్నారు. ఆ తర్వాత గోవాలో ‘పైలట్‌’గా పిలిచే టూవీలర్‌ ట్యాక్సీ బండిపై లిఫ్ట్‌ అడిగి ఆజాద్‌ మైదాన్‌ వరకు వెళ్లారు. ‘పైలట్‌’ డ్రైవర్‌ బైక్‌ నడుపుతుండగా రాహుల్‌ వెనక కూర్చుని దాదాపు 5 కిలోమీటర్లు బండిపై ప్రయాణించారు. ఇందుకు సంబంధించిన ఫొటోలు, వీడియోలను కాంగ్రెస్‌ తమ అధికారిక ట్విటర్‌ ఖాతాలో పోస్ట్‌ చేసింది. 

కాంగ్రెస్‌ మేనిఫెస్టో.. ఓ గ్యారెంటీ

కాంగ్రెస్‌ ఎన్నికల మేనిఫెస్టో అంటే కేవలం వాగ్దానాలు మాత్రమే కాదని, విశ్వాసంతో కూడిన ఓ గ్యారెంటీ అని రాహుల్‌ మత్స్యకారులతో అన్నారు. ‘‘నాకు విశ్వసనీయతే ముఖ్యం.. ఇతర రాజకీయ నేతల్లా కాదు. నేను ఏదైనా చెప్పానంటే అది తప్పకుండా జరుగుతుంది. ఛత్తీస్‌గఢ్‌లో రైతు రుణాలు మాఫీ చేస్తామని హామీ ఇచ్చాం. అధికారంలోకి వచ్చాక దాన్ని నెరవేర్చాం. పంజాబ్‌, కర్ణాటకల్లోనూ అలాగే చేశాం. మా మేనిఫెస్టో అంటే ఓ గ్యారెంటీ లాంటిది’’ అని రాహుల్‌ చెప్పుకొచ్చారు. గోవాలో వచ్చే ఏడాది అసెంబ్లీ ఎన్నికలు జరగనున్నాయి. 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని