Published : 25 Jul 2022 02:07 IST

Monkeypox: కరోనా జాగ్రత్తలే మంకీపాక్స్‌కు విరుగుడు!

దిల్లీ: దేశంలో మంకీపాక్స్‌ (Monkeypox) కేసులు పెరుగుతున్నాయి. ఇప్పటికే నలుగురిలో ఈ వైరస్‌ను గుర్తించారు. ఆదివారం దిల్లీలో బయటపడిన కేసులో.. బాధితుడు ఎలాంటి విదేశీ ప్రయాణాలు చేయలేదని తేలడం ఆందోళన కలిగించే అంశం. ఈ నేపథ్యంలోనే ప్రజలు అప్రమత్తంగా ఉండాలని వైద్యులు సూచిస్తున్నారు. మంకీపాక్స్‌ కట్టడికి కరోనా (corona virus)  తరహాలోనే జాగ్రత్తలు పాటించాలని వెల్లడిస్తున్నారు. దిల్లీలోని ప్రముఖ లోక్‌నాయక్‌ జయప్రకాశ్‌ ఆసుపత్రి వైద్యుడు డా.సురేశ్‌ కుమార్‌ ఓ జాతీయ మీడియా సంస్థతో మాట్లాడుతూ.. మంకీపాక్స్‌ను అడ్డుకోవాలంటే కరోనా తరహాలోనే మాస్కులు ధరించి, భౌతిక దూరం పాటించాలని తెలిపారు.

మంకీపాక్స్‌ లక్షణాలు కనిపిస్తే వెంటనే వైద్యులను సంప్రదించాలని డా.సురేశ్‌ సూచించారు. విదేశీ ప్రయాణాలు చేసినవారికి ఈ వ్యాధి సోకే అవకాశాలు ఎక్కవ అని, వారు మరింత అప్రమత్తంగా ఉండాలన్నారు. ఇతర అనారోగ్య సమస్యలతో బాధపడేవారు అన్ని జాగ్రత్తలు పాటించి ఆరోగ్యాన్ని కాపాడుకోవాలని సూచించారు. అన్ని జాగ్రత్తలు పాటిస్తే 99శాతం ఈ వైరస్‌ను నివారించవచ్చని తెలిపారు.

పశ్చిమ ఆఫ్రికాలో మొదలైన ఈ మంకీపాక్స్‌ ఇప్పటివరకు 75 దేశాలకు విస్తరించింది. 16వేల మంది ఈ వైరస్ బారినపడ్డారు. కేసులు పెరిగిపోతున్న నేపథ్యంలో అప్రమత్తమైన ప్రపంచ ఆరోగ్య సంస్థ (WHO) మంకీపాక్స్‌ను గ్లోబల్‌ హెల్త్‌ ఎమర్జెన్సీగా (global health emergency) ప్రకటించింది. సంస్థ డైరెక్టర్‌ జనరల్‌ టెడ్రోస్‌ అథనోమ్‌కు నిపుణుల కమిటీ సూచించిన నేపథ్యంలో శనివారం ఈ ప్రకటన వెలువడింది.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని