Published : 11 Jan 2022 23:28 IST

BrahMos: సీ టు సీ వేరియంట్‌ ‘బ్రహ్మోస్‌’ ప్రయోగంవిజయవంతం

ఇంటర్నెట్‌ డెస్క్‌: భారత నేవీకి చెందిన ఓ యుద్ధనౌక(స్టెల్త్‌ గైడెడ్‌ మిసైల్‌ డిస్ట్రాయర్‌) నుంచి మంగళవారం చేపట్టిన అధునాతన సీ టు సీ వేరియంట్‌ బ్రహ్మోస్‌ సూపర్‌సోనిక్‌ క్రూయిజ్‌ క్షిపణి ప్రయోగం విజయవంతమయింది. ఈ మేరకు డీఆర్‌డీఓ ఓ ప్రకటన విడుదల చేసింది. ఈ క్షిపణి నిర్దేశిత లక్ష్యాన్ని కచ్చితత్వంతో ఛేదించినట్లు తెలిపింది. ‘సముద్రం నుంచి సముద్రంలోకి ప్రయోగించగల అడ్వాన్స్‌డ్‌ సీ టు సీ వేరియంట్‌ బ్రహ్మోస్ సూపర్‌సోనిక్ క్రూయిజ్ క్షిపణిని నేడు ‘ఐఎన్‌ఎస్‌ విశాఖపట్నం’ నుంచి విజయవంతంగా పరీక్షించాం. ఈ క్షిపణి నిర్దేశిత టార్గెట్‌గా ఉన్న ఓ నౌకను కచ్చితత్వంతో ఛేదించింది’ అని డీఆర్‌డీఓ ట్వీట్ చేసింది.

రక్షణశాఖ మంత్రి రాజ్‌నాథ్‌ సింగ్‌ ఈ ప్రయోగం విజయవంతంపై హర్షం వ్యక్తం చేస్తూ.. సిబ్బందికి అభినందనలు తెలిపారు. దేశ నావికాదళం సంసిద్ధత సామర్థ్యాన్ని ఇది మరోసారి నిరూపిస్తోందని ట్వీట్‌ చేశారు. భారత్‌, రష్యాల ఉమ్మడి ప్రాజెక్టు అయిన ‘బ్రహ్మోస్ ఏరోస్పేస్’ ద్వారా ఈ సూపర్‌సోనిక్‌ క్రూయిజ్ క్షిపణులను ఉత్పత్తి చేస్తున్నారు. ఇవి ధ్వని కంటే దాదాపు మూడు రెట్ల అధిక వేగంతో దూసుకెళ్లగలవు. తాము తయారు చేస్తోన్న బ్రహ్మోస్‌తోపాటు ఇతర అధునాతన రక్షణ ఆయుధాలు ఇతర దేశాలపై దాడి చేసేందుకు కాదని, ఆ దేశాలు భారత్‌పై కన్నెత్తే సాహసం చేయకుండా ఉండేందుకేనని రాజ్‌నాథ్‌ ఇటీవల ఓ సమావేశంలో వెల్లడించిన విషయం తెలిసిందే.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని