Published : 25 Feb 2021 09:57 IST

అంగారకుడిపైకి రహస్య సందేశం!

భారీ పారాచూట్‌పై సృజనాత్మకంగా ఆవిష్కరణ 

కేప్‌ కెనావెరాల్‌: అమెరికా అంతరిక్ష పరిశోధన సంస్థ- నాసాకు చెందిన ప్రతిష్ఠాత్మక పర్సెవరెన్స్‌ రోవర్‌ అంగారకుడి ఉపరితలంపై సురక్షితంగా దిగడంలో కీలక పాత్ర పోషించిన భారీ పారాచూట్‌ తనతోపాటు ఓ రహస్య సందేశాన్ని మోసుకెళ్లింది. ‘‘గొప్ప పనుల కోసం ధైర్యంగా ప్రయత్నించండి’’ అని ఈ 70 అడుగుల పారాచూట్‌పై సిస్టమ్స్‌ ఇంజినీర్‌ ఇయాన్‌ క్లార్క్‌ బైనరీ కోడ్‌ల ద్వారా రాశారు. పజిల్‌లను బాగా ఇష్టపడే క్లార్క్‌కు ఇలాంటి సందేశాన్ని పంపించాలన్న ఆలోచన రెండేళ్ల క్రితమే వచ్చిందట. దీంతో బాగా ఆలోచించి.. అమెరికా మాజీ అధ్యక్షుడు థియోడర్‌ రూజ్‌వెల్ట్‌ చెప్పిన మాట- ‘‘గొప్ప పనుల కోసం ధైర్యంగా ప్రయత్నించండి’’ని పారాచూట్‌పై కోడ్‌ల ద్వారా సృజనాత్మకంగా ఆవిష్కరించారు. పర్సెవరెన్స్‌ అంగారకుడిపై దిగేంత వరకు ఆ రహస్య సందేశం గురించి కేవలం ఆరుగురికే తెలుసట. కాలిఫోర్నియాలోని జెట్‌ ప్రొపల్షన్‌ ప్రయోగశాల (జేపీఎల్‌) ప్రధాన కార్యాలయం జీపీఎస్‌ కోఆర్డినేట్స్‌ను కూడా పారాచూట్‌పై పొందుపర్చడం విశేషం. 

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని