Breaking | Feedback | ePratibha | E-PAPER | Pratibha

CoWIN: కొవిన్‌ పోర్టల్‌లో కొత్త సదుపాయం.. ఇకపై వారూ వ్యాక్సిన్‌ స్టేటస్‌ తెలుసుకునే వీలు!

కొవిడ్‌-19 వ్యాక్సినేషన్‌ కోసం ఉద్దేశించిన కొవిన్‌ పోర్టల్‌లో మరో కొత్త సదుపాయాన్ని కేంద్రం అందుబాటులోకి తెచ్చింది.

Published : 20 Nov 2021 19:24 IST

దిల్లీ: కొవిడ్‌-19 వ్యాక్సినేషన్‌ కోసం ఉద్దేశించిన కొవిన్‌ పోర్టల్‌లో మరో కొత్త సదుపాయాన్ని కేంద్రం అందుబాటులోకి తెచ్చింది. ఇకపై వ్యక్తుల వ్యాక్సినేషన్‌ స్థితిని తెలుసుకునే సదుపాయాన్ని ఇతరులకూ కల్పించింది. వ్యక్తి ఫోన్‌ నంబర్‌, పేరు ఎంటర్‌ చేయడం ద్వారా వ్యక్తి మొబైల్‌ నంబర్‌కు వచ్చే ఓటీపీ ఆధారంగా వ్యాక్సిన్‌ స్థితిని తెలుసుకునే వీలును కల్పించినట్లు కేంద్రం పేర్కొంది. ఓటీపీ తెలిపేందుకు వ్యక్తి సమ్మతి అవసరం. ట్రావెల్‌ ఏజెన్సీలు, ఆఫీసులు, సినిమా థియేటర్లు, ఐటీఆర్‌సీటీసీ వంటి ప్రభుత్వ సంస్థలకు ఈ సదుపాయం ఉపకరించనుంది.

వ్యాక్సిన్‌ సర్టిఫికెట్‌ లేని సందర్భంలో ఇటు వ్యక్తులకు, అటు సర్వీసు ప్రొవైడర్లకూ ఈ సదుపాయం ఉపకరించనుంది. వ్యాక్సిన్‌ వేసుకున్న వ్యక్తులకు మాత్రమే ప్రయాణానికి అనుమతించాలని ట్రావెల్‌ సంస్థలు నిర్ణయించినప్పుడు ఈ సదుపాయం ఉపయోగపడుతుంది. అలాగే, ఉద్యోగి వ్యాక్సినేషన్‌ స్థితిని సంస్థలు కూడా తెలుసుకునేందుకు ఉపయోగపడుతుందని కేంద్రం పేర్కొంది. అలాగే, పూర్తిగా లేదా పాక్షికంగా వ్యాక్సిన్‌ వేసుకున్నట్లు ఉండే బ్యాడ్జ్‌ను సైతం కొవిన్‌ పోర్టల్‌లో పొందొచ్చని నేషనల్‌ హెల్త్‌ అథారిటీ సీఈవో ఆర్‌ఎస్‌ శర్మ తెలిపారు. ఈ బ్యాడ్జ్‌ను స్నేహితులు, సోషల్‌ మీడియా వేదికగా పంచుకోవచ్చని ట్వీట్‌ చేశారు.

► Read latest National - International News and Telugu News

► Read latest India News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.