పాలక్కడ్‌లోఏడాది చిన్నారికి షిగెల్లా

పాలక్కడ్‌:  కేరళలోని పాలక్కడ్‌లో తొలి షిగెల్లా కేసు బయటపడింది. ఏడాది వయసు చిన్నారికి షిగెల్లా నిర్ధారణ అయిందని కేరళ ఆరోగ్య శాఖ వెల్లడించింది. ఈ వ్యాధి సోకిన పసికందు మొదట చికిత్సకు సరిగా స్పందించలేదని ఆసుపత్రి వర్గాలు పేర్కొన్నాయి. అనంతరం కోజికోడ్‌ ఆసుపత్రికి వెంటిలేటర్‌ సాయంతో తరలించారు. ప్రస్తుతం చిన్నారి పరిస్థితి మెరుగైనట్లు తెలిపారు. అంతకుముందు.. కోజికోడ్, ఎర్నాకులంలోనూ పదుల సంఖ్యలో షిగెల్లా కేసులు వెలుగుచూశాయి ఇప్పుడు పాలక్కడ్‌ జిల్లాలోని ఇతర ప్రాంతాలకు వ్యాధి వ్యాప్తి చెందవచ్చని ఆరోగ్యశాఖ అధికారులు ఆందోళన వ్యక్తం చేస్తున్నారు. మరోవైపు కొత్త కేసు నమోదైన వెంటనే జిల్లా అధికార యంత్రాంగం అప్రమత్తమైంది. ప్రజలందరూ పరిశుభ్రతను పాటించాలని కోరింది