Published : 04/12/2021 11:25 IST

Omicron: ఇప్పటికైతే ఒమిక్రాన్‌ తీవ్రమైందేమీ కాదు: సింగపూర్‌

సింగపూర్‌: కరోనా కొత్త వేరియంట్‌ వల్ల వచ్చే లక్షణాలు పాత వేరియంట్ల కంటే భిన్నంగా ఉన్నట్లు ఇప్పటి వరకు ఎలాంటి ఆధారాలు లేవని సింగపూర్‌ ఆరోగ్య శాఖ తెలిపింది. అలాగే వ్యాధి తీవ్రత ఎక్కువ ఉందనడానికి కూడా ఎలాంటి ప్రాతిపదిక లేదని పేర్కొంది. దీనిపై మరింత అధ్యయనం జరగాల్సి ఉందని తెలిపింది. ఇది ప్రపంచవ్యాప్తంగా ప్రబలరూపకంగా మారుతుందా? లేదా? తెలియడానికి మరింత సమాచారం అవసరమని పేర్కొంది.

అయితే, కట్టుదిట్టమైన చర్యలు తీసుకోవడం వల్ల కొత్త వేరియంట్‌ వ్యాప్తిని నిలువరించొచ్చని సింగపూర్‌ ఆరోగ్య శాఖ తెలిపింది. బూస్టర్‌ డోసులను వేగవంతం చేయాల్సిన అవసరం ఉందని అభిప్రాయపడింది. సింగపూర్‌లో ఈ వారం ఆరంభంలో రెండు ఒమిక్రాన్‌ కేసులు వెలుగులోకి వచ్చిన విషయం తెలిసిందే. దీంతో అప్రమత్తమైన అక్కడి ప్రభుత్వం విదేశాల నుంచి వచ్చే వారికి నిర్ధారణ పరీక్షల్ని తప్పనిసరి చేసింది. బిజినెస్‌ హబ్‌గా ఉన్న సింగపూర్‌కు విదేశీయుల తాకిడి ఎక్కువగా ఉంటుంది. అక్కడి నుంచి రోజూ రాకపోకలు జరిపే వారి సంఖ్య లక్షల్లో ఉంటుంది. వీరంతా విదేశాలకు వైరస్‌ను వ్యాప్తి చేసే అవకాశం ఉన్న నేపథ్యంలో అక్కడి యంత్రాంగం కట్టుదిట్టమైన చర్యలు చేపట్టింది. శుక్రవారం సింగపూర్‌లో 766 కొత్త కేసులు వెలుగులోకి వచ్చాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని